Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

In oud-Dietsche rijmen, naer een perkementen handschrift uit de XIVde of XVde eeuw

[fol. xiiijr]

Wie suptijl dat haer heileghe lichame was.

Haer lichame was oec so sunderlinghe
suptijl ende licht, dat hi op dinghe
die hoghe ende nauwe waren, ginc;
dat si oec als een musche hinc
aen den suptilen riseren van bomen.
Dies heeft men selden meer vernomen.

Als si woude beden, de maghet vrome,

so vlau si op die hoghe bome,
ocht op torene ocht ander dinghe,
die hoghe waren sonderlinghe,
om dat si haer van den lieden woud verren,
daer mense nien moght stoeren noch erren,
ende daerse raste vonde aen den geeste;
dat was haer boven al dat meeste.

Als si noch woud beden weder;

ende in haer de gracie sturte neder,

[fol. xiiijv]

 

ya de godleke, spreec ic, gracie,

 

ende de suete contemplacie:

 

so worden haer lede al, cliene ende groet,

 

te gader gedruct in enen cloet

515

als geheit was dat loept in een;

 

so dat haer lichasme niet anders en sceen,

 

noch dat men niet els en wart geware,

 

dan enen ronden lichame aen hare.

 

Maer als die geestelec dronkenscap

520

verteert was, ende dat suete sap

 

dat haer scincte de godleke fonteine,

 

die suete, suver es ende reine;

 

ende als haer lede weder quamen,

 

ende haer ierste vorme namen,

525

die als een igel waren in een

 

gecluntert, alst aen haer wel sceen:

 

so worden haer lede ute gerect,

 

die te voren waren bedect

 

ende onder een onvormlec materie besloten,

530

ende temale te gader gevloten;

 

ende haer lichame quam weder saen

 

tfier vormen. Dat had al God gedaen!

[fol. xvr]

 

Maer na dat dit sus was vergaen,

 

so ginc si menechwerf, al sonder waen,

535

opte tuunstaken al rechte staen,

 

daer si met groter devocien haer

 

psalme sanc; want weetd dat voer waer,

 

datd haer was pijnlec ende swaer.

 

dat si der erden soude geneken,

540

als si haer gebed soude spreken;

 

want sien sochte engeen gemac

 

als si haer gebedeken sprac….