Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

In oud-Dietsche rijmen, naer een perkementen handschrift uit de XIVde of XVde eeuw

Wiedewijs dat si was gedwonghen van den geeste dat si van aelmoesenen moeste leven als een minsche.

Dat sacrament dies lichasms ons Heren
ontfinc si dicke met groter eren,
ende sunderlinghe te hare salechheid,
met groter devocien ende innechheit.
Ende sunderlinghe op sondaghe so ginc
si geerne te Gode, daer si ontfinc
cracht aen den lichame, als si sede,
ende aen den geeste bliscap daer mede.

[fol. xxr]

 

Also oec, als men van hoer leest,

 

al dat hoer eighen had geweest,

725

dat si gelaten hadder om Gode,

 

ende om te houdene sijn gebode,

 

ende dat hoer toe behoerde van erve,

 

daer en woudse met doen engeen bederve,

 

noch dies en woudse engeenre wisen

730

in dranke nutten, noch in spijsen.

 

Maer dat leven had si vercoren,

 

dat si ginc daeghlijcs van doren te doren

 

bidden aelmoesene gemeinelike,

 

beide van arme ende van rike;

735

ende daer met levese, dat drancse, dat atse.

 

Dat deedse te male daer omme, om datse

 

der liede sonden draghen soude,

 

dier aelmoesene dat si leven woude.

 

Si seid oec dat dad de sake was meest,

740

dat si gedwonghen was van Gods geest,

 

dast si bade aelmoesene van den sonderen,

 

om dat sise daer met woude ververen,

 

ende dat sise weder woud roepen daer mede

 

te penitencien, als si dede……

[fol. xxv]

745

Si seid oec, dat Gode engeen dinc meer

 

te genaden en dwonghe, ende daer hi eer

 

omme ontfarmde des armen sondaren,

 

dan dat si onderlinghe ontfarmhertech waren.

 

Daer omme so spreect dit woert de vroede,

750

dat nommermeer anders, dan in goede

 

ontfarmhertechheit, en mach

 

besluten des minschen leste dach.

 

Om dat men dit te bat versta,

 

so volght hier een exempelken na,

755

daer wi dit mede confirmeren,

 

der werder sinte Kerstinen teren;

 

want dat men Gods vrienden loeft ende eert,

 

daer werd sijn lof oec inne gemeert.