Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

In oud-Dietsche rijmen, naer een perkementen handschrift uit de XIVde of XVde eeuw

Hoe dat haer leven was gemaed metter liede levene.

Het geviel ende het gescach
onlanghe daer na op enen dach,
dat si gruwelec was bestaen
van den geeste die haer ginc aen,
ende diese moyde so sere, dat si
liep toeter kerken die stont daer bi,
in een dorp dat Guellen heet;
daer si vant open ende al gereed
een vunte der heilegher doepen staen,
daer si haer selve, sonder waen,
te male in doepte. Ende also saen
als dat gescied was ende gedaen,
so seghtmen dat haer daer wart gegeven,
dat haer manieren ende haer leven

[fol. xixv]

 

van dier tijt was meer gemaed,

710

ende na der liede wesen gesaed,

 

ende had haer rastleker namaels ende bat,

 

dan si tevoren dede; ende dat

 

si bat der liede roeke mocht liden.

 

ende onder hen wandelen in allen tiden.