Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

In oud-Dietsche rijmen, naer een perkementen handschrift uit de XIVde of XVde eeuw

[fol. xlixv]

Hoe si begraeven was ende verhaven.

Doen groefmense tSintruiden buten der stat
in een geesteleke cloester, dat
in dere van sinte Katrinen stont daer.
So rustese omtrint seven jaer,
toet dier tijt ende toer hiet stont,
dat men op een andren gront
dgestichte al van den cloester verleide,
daerd bat lach ende naerre, als men seide.

Doen quamen de poertere alle gemeine

hier omme te gader, groet ende cleine;
daer quam oec menech clerc ende pape,
menech ridder ende menech knape,
ende dconvent oec van den nonnen,
ende vele andere die daer toe ronnen.
Si quamen ter werder Kerstinen grave,
ende als men boven tdecsel deed ave

[fol. lr]

 

ende men dat edel graf ontploec,

 

gevueldense datd so wel daer roec

 

dat men op ertrike coyme ye vernam

 

der suetechheit gelijc, die daer ute quam;

1855

so dat die goere die daer ut quam varen

 

vermaecte al de geen die daer waren;

 

so dat si alle riepen met enen sinne,

 

met enen monde, dat Gods vriendinne

 

in haren levene was wonderlec vermeert,

1860

ende na haer doed oec glorificeert.

 

Nieman en sal mestrouwen dies

 

die so sundech es och so ries,

 

den genen en quame genade daer ave,

 

die werdelec quamen te haren grave;

1865

ende worden van allen commere ontladen,

 

dies haer met vasten gheloebe baden,

 

ende vercreghen gesunde daer..

 

So soudense noch al over waer;

 

die daer noch aen hare sochte troest,

1870

in twivels niet hien wordt verloest

 

van sunden, van scande ende van onvrede,

 

ende van alre siecheit daer mede:

[fol. lv]

 

ya diese besochte ende quame te hare,

 

als hi sculdech te doene ware.

1875

Want al de macht die si had doe,

 

die heeftse volcomeleke ommertoe,

 

dien heeft haer God noch niet genomen;

 

maer uten geloeve so moet al comen.

 

Voerwertmeer wiedewijs dit wijf

1880

sunderlinghe aen ziele ende aen lijf

 

meneghen minsche gesunde gaf,

 

daer word te langhe te spreken af.