Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw (1850)

Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

(1850)– Broeder Geraert– rechtenstatus

Auteursrechtvrij

In oud-Dietsche rijmen, naer een perkementen handschrift uit de XIVde of XVde eeuw

Vorige Volgende


Hier besinte ict boec temale. O edele leserse ende lesere du, wie dat du best, merc dan nu 1885[regelnummer] hoe wi verdonkert sijn, als wi de goede Kerstine aensien, dat si so grote pine ende tormente leed ende te lidene was gereet,
[Folio lir]
niet voer hare, maer haren evenkersten, 1890[regelnummer] ende wi ontsien ons, ende versten hier penitencie te doene omme ons sunden, ende wi doen als de domme, dat wi ons daer af so verren. Want het sal comen sonder merren, 1895[regelnummer] die dach, ende hi sal comen saen dat wi gerne souden aengaen meerre penitencie te doene, dan si dede, waer dat sake dat wi vercrighen mochten van Gode dat, 1900[regelnummer] dat hi ons woud geven stonde ende stat van penitencien, als wise sochten; ende wi den tijt verhalen mochten, dien wi op ertrike hebben geleid in sunden ende met roekeloesheid.. 1905[regelnummer] Wee hen, die die olie van der oliven van der ontfaermhertechheit hen laten ontbliven, ende willense copen, als de tijd der maerct dies corps hier overlijd; ende daer omme so selence cloppen voere, 1910[regelnummer] met idelre lampen, ya voer de doere,
[Folio liv]
ende selen niet moghen daer inne gaen, maer selen daer buten met scanden staen. Dan sal de coninc oppenbaer toet hen segghen, ic segh u voer waer: 1915[regelnummer] ‘In weet van u niet wie ghi sijt. Waect, ghien weet noch dach noch tijt.’ So es hen te rechte dan voer gesloten, die also doet sijn, dat si nien moten comen in haers Heren raste, 1920[regelnummer] maer moten buten staen als gaste, om dat si verroekeloesden den dach ende dure dat men te gevene plach; ende want si nien waren wacker daer aen, soen mochtense niet in haer lampe ontfaen 1925[regelnummer] engeen olie van goeden werken daer men haer doeghde mach ane merken… Sijt dan wacker, dat es mijn raet, want de werelt es valsch ende quaet; ende ghien weet ure noch ghien weet dach, 1930[regelnummer] wanneer u Here comen mach. Ende wat waest anders dat si riep, daer si om pijnde, daer si om liep,
[Folio lijr]
dan dat men penitencie dade? Daer brachtse de liede toe met rade, 1935[regelnummer] dat si bereet altene waren, als ocht si van ertrike souden varen, ende slaphans soud comen haer leste dach. Daer af so deed si dicke gewach, dat lerese met woerden ende met tranen, 1940[regelnummer] day riep si altoes, dies ginc si manen, dat leerde si met goeden bispele; dies men aen haer mocht sien meer vele, dan aen iemanne die voer haer quam, och daer ic seder af vernam, 1945[regelnummer] ocht hoerde segghen, ocht vant gescreven. Daer omme so heeft haer God gegeven hem selven, ende heeft haer wel betaelt, ende heeftse ten hemelschen lone gehaelt. 1949[regelnummer] So sal hi doen oec alle sine vrient. ............................................................

Vorige Volgende