Dat 18. Capittel.
Waenlust quelt ende pijnight.
Ontberen dese misbruyckers der dinghen, dan also die natuerlijcke lusten (so sy waerlijck doen) wat hebben sy dan doch anders dan een schaduwelijcke waenluste? Sy zyn met ydelheydt door valsche verbeeldinghe betobert. Alsoo baert dan d'eene schaduwe loghen, ende duysternissen d'ander, haer Waen selve en is niet dan schaduwe, ydelheydt ende bedrog, als niet hebbende, ende daerom oock niet vermoghende te gheven 'tghene dat sy schijnt ende belooft: ende en mach daeromme daer uyt oock niet geboren werden dan ydelheyt. Nu schelet soo veele dat dese Waenlust ghenoeghlijc soude zijn, dat sy oock ter contrarien verdrietigh is. Want inden eersten moet elck bekennen verdrietigh te zijn datmen het begheerde ontbeert. Dese misbruyckers der Schepselen begheeren natuerlijcke wellust: die sy altijdt (soo ghehoort is) ontberen: moet sulck ontberen niet verdrietigh zijn? Ten anderen, soo queldt ende pijnight alle overdaet, ende misbruyckt den misbruyckers. Want die Nature heeft hare mate. Wat beneden oft boven den Nootdruft is, dat quelt ende quetst de Natuere, daer ter contrarie Nootdrufts ghebruyck verlustight en̄ sterckt: so overlast ende beswaert die ghesochte soetigheyt des smaecx, den vollen maghe: soo queldt het gulsigh swelghen 't hooft met allen den leden: ende soo krenckt ende verderft het geweldighe byslapen die slappe Nature. Want alle sulcx niet en gheschiedt uyte natuerlijcke gheneghentheyden ende nootdruft, maer nyt ydele Ga naar margenoot+ verbeeldingen ende onnatuerlijcke begheerlyckheyden, die welcke volbracht zynde, baren zy de zonde, en de dese den Doot.
Daeromme en heeft Thomas van Aquinen (hoe hy oock in ander saken mach gheschreven hebben) de zonde niet qualijck beschreven, daer hy seydt: Zonde is alle 'tghene datter is teghen die natuerlycke ghenegentheyt. VVant zy wederstaet de VVet der natuere. Hier mede Ga naar margenoot+ stemt oock Augustinus, segghende: Also en is dan de Zonde niet een begeerte der quader natueren, maer een verlatinghe van 'tgene beter is. Dese dan en hebben niet, als wy, de Natuere,
Auteursrechtvrij