Kort besluyt.
VVt het gene hier vooren geseyt is, mach elck nu lichtelijck merckē dat alle Zonde willich gheschiet ende niet nootsakelijck, sulcx dat gheen Zonde en mach gheschieden sonder Wille ende Begheerlijckheydt. Datter groot onderscheydt is tusschen die Gheneghentheyden ende Begheerlijckheyden, oock Wille, alsoo dese aangekomen ende willich, maer die Geneghentheyden aangeboren, ende nootlijck zyn bestaande in den Lichame ofte Vleesche, daer die Begeerlijckheyden ende Wille inder Zielen bestaan. Insghelijcx mede dat het Vleesch niet en heerschapt over die Ziele, maer die Ziele door den Wille over 't vleesch: Ende dat mitsdien niet het onderworpen vleesche, maer die gebiedende Wille oorsake is van de quade Lusten, Begeerlijckheyden ende Zonde.
Auteursrechtvrij