Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dingeman krijt wjukken (1999)

Informatie terzijde

Titelpagina van Dingeman krijt wjukken
Afbeelding van Dingeman krijt wjukkenToon afbeelding van titelpagina van Dingeman krijt wjukken

  • Verantwoording
  • Inhoudsopgave

Downloads

XML (0.24 MB)

tekstbestand






Genre

jeugdliteratuur

Subgenre

roman


In samenwerking met:

(opent in nieuw venster)

© zie Auteursrecht en gebruiksvoorwaarden.

Dingeman krijt wjukken

(1999)–Eppie Dam–rechtenstatus Auteursrechtelijk beschermd

Vorige Volgende
[pagina 137]
[p. 137]

Haadstik 31
‘Veel bittere tranen huil ik om jou’

‘Dingeman! Dingeman, komst derôf?’

It wie de stim fan Joazef, ûnderoan de trep.

Ik trappele de tekkens nei it fuottenein en seach dat it al healwei tolven wie. Ik hie my finaal fersliept. En we soenen noch nei de stêd.

Hals oer kop klaaide ik my oan en davere nei ûnderen.

‘Hiest my net earder roppe kind?’

‘Moarn, Dingeman. Of middei, mei ik wol sizze.’

‘We soenen hjoed nei de stêd ta, Joazef. Dat hast juster sels sein.’

‘Mar de dei is noch lang. We hienen toch net earder fuort kind. Skoften wurk hân mei dy rolstoel. Ik ha der trouwens ek in namme foar. De Hynstvalidekarre.’

‘Ja, do bist wol goed yn nammen,’ sei ik. ‘Kingma de Boer!’

Joazef seach my fol ferbazing oan.

‘Lit mar,’ sei ik. ‘Hast al by Hoppe sjoen?’

‘Dat wie fan 'e moarn myn earste reis. Hy hat in hantsjefol biks opknabbele, fierder wie it itselde as juster.’

‘Hoe let gean we no fuort?’

‘We krije aansent earst in pear stikken bôle, en dan gean we dy kant út. As we yn 'e stêd wer sin oan wat ha, ite we dêr in waarm miel.’

Ik woe dalik nei bûten om de rolstoel te besjen, mar earst gie ik by Hoppe en de mûzen lâns.

Hoppe lei te sliepen. Echt te sliepen.

De mûzen hienen fan har bôlestêd ien ruïne makke.

[pagina 138]
[p. 138]

En de rolstoel? Dat wie in pracht. Earst dy antike karre mei syn wipwap-stangen, dan achterop de âlde gatsjepanne, en foarop noch dy hynstekop, mei teugels en al. Hy koe mar ien namme ha: de Hynstvalidekarre.

 

Foardat we ôfreizgen, moast ik earst in proefsit meitsje. Joazef tilde my op en sette my yn 'e gatsjepanne. Mar ik wie te swier, de Hynstvalidekarre begûn te stegerjen.

‘Hooo Hoppe, net sa wyld!’

Joazef sette my wer op 'e grûn.

‘Hast wer tefolle bôle iten, Dingeman. Wacht, ha we hjir net in swiere stien?’

We leinen in grutte balstien op 'e treeplanke fan de karre, en doe wie it klear.

Joazef joech my de teugels yn hannen en klom sels op 'e rolstoel. Sa wipwappen we nei de dyk ta. It sadel gie op en del, en hin en wer. It wie in machtich gefoel.

‘Hoege we op 'e dyk gjin nûmerboerd?’

‘Welnee, it is gjin auto.’

‘In brommerplaatsje dan?’

‘Wêr sjochsto in brommer. Harree, Hoppe! Karre maar!’

We rieden de dyk op. Mei in noflik en gesellich gonkje karken we in hiel ein troch. Wat wie dit in moaie sneontemiddei! Ik seach nei links en nei rjochts. Ik hie it idee dat alle greiden nei ús wuifden. Alle blommen bûgden. Alle fûgels rôpen. Ik waard der hielendal rom fan yn 'e holle. Ik fielde my in foarst. In kening.

Soms laken en swaaiden minsken nei ús, fytsers en motorriders. Dan swaaiden en laken wy werom. Oaren lutsen de hoeken fan de mûle omheech of stutsen ús de gek oan. In pear healwizen yn flitsende auto's tikken mei de finger op 'e holle. It koe ús allegear neat skille.

[pagina 139]
[p. 139]


illustratie

[pagina 140]
[p. 140]

Joazef peddele der lustich op los. Hy waard der sa licht en fleurich fan, dat er lûd begûn te sjongen. Hieltyd deselde rigel. En it klonk as opera.

 
‘Veel bittere tranen huil ik om jou!
 
Veel bittere tra-hanen huil ik om jou-hou-au-au!’

‘Giet it ferske net fierder, Joazef?’ rôp ik.

Joazef seach strak foar him út en song:

 
‘Veel bittere tranen huil ik om jou!
 
Jij werd van een liefje een bazige vrouw.
 
Ik voelde me krimpen, en alles werd grauw.
 
Dus nam ik de benen, die bleven me trouw.’

En ik song:

 
‘Ik laat me niet wurgen, wat krijgen we nou!
 
Ik kon niet meer schreeuwen, m'n kop werd al blauw!’

En Joazef galme:

 
‘Dus als je moet vluchten, doe het dan gauw.
 
Nu krijg ik weer adem, de lucht is weer blauw.’

Doe galmen we tegearre, mei lange úthalen, as gûlende wolven:

 
‘Nu krijg ik weer adem, de lucht is weer blauw.
 
Nu krijg ik weer a-hadem, de lucht is weer blauw-auw-auw-auw.’

Sa songen we de hiele reis.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken