Eduard de Dene. Testament rhetoricael

Ander materien
om naer te scryfuene
Ter scholen ferien
niet huut te Wryfuene /

Ghenade en ghelooue purgieren de zonden

duer iesum christum ghebenedydt

onse ghenade / Rechtueerdich sterck bevonden

zonder hem mueghwy niet doen / tgheender tydt

Iesus christus es onse bermherteghe ghenaede

die onslieden Ieghens god / zyn hemelschen vadre

heeft verzoent / die waeren in mesdaede

vvy hebbende / ghezondicht allegadere

[p. 263]

15

Al onse Rechtueerdicheden die zyn

 

als een vraumaendzuchtich vuyl onReyn cleed

 

duer iesum Christum vp elck termyn

 

Worden zonden vergheuen / als die zyn Leet

 

Weerelt heeft hij verwonnen helle / dood / zonde

20

tghuendt diesser te doene was heeft hy vuldaen

 

Oud en nieu testament / Esser of oorconde

 

die hy wil versteict hy / ofte mach ontfaen

 

Een god der goden / god drievuldich in weerde

 

Christus zyn zuene tzynder Rechter handt zit

25

macht es hem ghegheuen in hemel end Eerde

 

als onsen aduocaet voor onslieden Bidt

 

Es hy met ons vvie mach ons deeren

 

nyemandt / noch gheen tormenten zo groot

 

Die tzynevvaerts keert / vvil hy oock begheren

30

gheenssins willende der zondaeren doodt

 

Maer dat hy bekeere omme eeuvvich Leuen

 

ende met hem te zyne meErfghename /

 

⁺ zyns hemelssche Rycke / dwelck hij can gheuen

 

die in hem gheloouen / duer zynen name

+ 141 r