Valerius maximus zoo heeft tbouck title daer dit verhaelt staet in tweede capitle inde zeuenste Bouck doet daer tbezouck zo dicwils ghy wilt tsiaers Breeder vyndt ghy verclaers
Een ionckman zoude eens nemen Raedt
10[regelnummer]
An Socrates / Waddynghe dat hem goet dochte
dat hy zou Annemen den huwelicken staet
ofte niet huwen zoude / (hoe wel hyt vermochte
Socrates Andwoordhem met woorden zochte
welck ghij van beeden doet / tzal hu berauwen
15[regelnummer]
vvant huwt ghy niet / zooment manierlick plochte
zult in eenicheyt leuen / tot een verflauwen
gheen ghetraude generatie / zalmen van hu schauvven
ende als hu afcomste / (Ter causen van desen
zal hende nemen / Tzy mans ofte vrauwen
20[regelnummer]
vreimdelynghen zullen hu aeldynghers wesen
End indien ghy hu ten huwelicke stelt
in een eeuwich zoorghen / zyt nacht ende dach
met claghijnghen daeghelicx zeere ghequelt
hu wyf zal hu verwyten daer zou mach
25[regelnummer]
datse Rycker was dan ghy / ende met een gheclach
[pagina 264]
[p. 264]
zalse cranckelick festieren hu vrienden en maghen
ander mannen met een vriendelick ooghvpslach
zullen om haer ghebruucken legghen Listich laghen
onverzekert datse hu kynderen zal draeghen
30[regelnummer]
end al hadse kyndren / dit openbaer // es
zo en zyt ghy niet verzekert / dit zyn de plaeghen
of die huwe toebehooren / oft een ander de vaer // es /
Auteursrechtelijk beschermd