Eduard de Dene. Testament rhetoricael

[p. 63]

⁺⁺ Diligite iustitiam
Qui iudicatis terram
Refereyn.⁺

Ghy Rechtueerdighe Verhueght hu inden heere⁺
verblyd vp hu zien tsheeren ooghen / By wien⁺
ouervloedich de Rechtueerdicheyt bemint es zeere
En zyn aenschyn heeft Rechtueerdicheyt Anghezien⁺
huwe offrande / Neimt hy in dancke mids dien⁺
vvant den Rechtueerdighen es een claer licht vpgheghaen⁺
als een palmboom zal hulieden bloeyssels gheschien⁺
end in eeuvvich ghedyncken / zult ghylieden staen⁺
Beuelende huwen kyndren / doet oock vermaen
dat zy doen oock gherechticheyt thuerer baeten⁺
Maer ziet / dat die te godewaerts zy ghedaen⁺
en wacht die te doene / voor mensschelicke staeten⁺
zaeyt in Rechtueerdicheyt zonder oflaeten⁺
ende wilt inden mondt der bermherticheyt maeyen⁺
der zielen zalicheyt esser inne bouen maeten
maer voor de doodt / en toordeel wilt die huutzaeyen⁺
Tword hu beter dan goud / Cont ghyt zoo paeyen
vvant die Rechtueerdighe binnen haer tsvaders Rycke
zullen blyncken daer Alse der zunnen Raeyen⁺
end eeuwich leuen binnen dien hemelsschen wycke⁺
Met lofzangh ghetouft word daer huwer ghelycke⁺
end als verheuen gheworden // Wordt ghij ghefestiert⁺
dus ghehoort / dat dit zoo schriftuerlick blycke
Rechtueerdicheyt bemindt / ghy die de Eerde Iugiert⁺

Want. Rechtueerdicheyt die verlost vander doodt⁺
den Rechtueerdighen word dat hy begheert ghegheuen⁺
huere lippen mercken / wat wel behaeght ter noodt
ende wysheyt wordt huut huerlieder mondt beseuen
huer tonghe / Es als costelick zeluer verheuen
⁺ ende blydschap zal worden haerlieder verwachten⁺
als eeuwich fundament / zyn zy staende ghebleuen
en verlost huute der Banghicheden Crachten⁺
Watmen hemlieden doet / zyt bedrouft niet achten
duer Rechtueerdeghe zo word verheuen een stede⁺
en met hem gheen woorden Lueghenachtich vernachten⁺
die Rechtueerdeghe hoopt in zyn doodt oock mede⁺
Twerck der Rechtueerdicheyt zal wesen vrede⁺

+ 184 v

+ Fol. 184 v, r. 1-3, 4 ‘Ghy Rechtueerdighe’ onderstreept.

+ Sapien primo

+ Psal 32.

+ 33.

+ Psal 10

+ 50

+ 96

+ .91.

+ Psal Cxi.

+ thobi/14

+ 13.

+ Mathei 6

+ Ose / 10

+ Eccli .30.

+ Eccli .14.

+ mathei.13

+ sapien 5

+ prouerbi 10

+ Eccli 2.

+ Sapien primo

+ prouerbi 10

+ ende .11.

+ 185 r

+ prouerbi.10

+ 11

+ 10

+ 13.

+ 14.

+ Esai 32.

[p. 64]

 

ende hueren dienst die zal zwyghijnghe wesen

10

Leght gheen laghen noch zouct gheen ongodlichede⁺

 

in thuus der Rechtueerdeghen / noch bouen desen

 

En verwoest zyn Ruste niet / want zoo wy Lesen

 

een Rechtueerdich zal zeuenwaerf binden daeghe

 

vallen / ende staen wederomme vpgheResen

15

dynct datmen dat tsmensschens broosscheyt toedraghe

 

huerer huus blyfuen staende zal thueren behaeghe

 

end huerlieder wortel zyn onbeRoert ghehanthiert

 

ouermerct dit / ende voor donRechtueerdeghe plaeghe

 

Rechtueerdicheyt bemindt / ghy die de eerde iugiert

 

 

20

Der Rechtueerdegher zielen / zyn in gods handt⁺

 

end anRoeren en zalse niet des doods Pyne

 

die Rechtueerdeghe zullen BeErfuen tlandt⁺

 

vvant zy ontfaermen / en wedergheuen ten fine

 

ende huute der zondigher mensschen Bruwine

25

zalse helpen en verlossen de heere goet

 

ende zaelich maecken Want tallen termine

 

zy hebben ghehoopt / in hem cloucklick ghemoet

 

die Rechtueerdicheyt in zyn bewaerynghe doet⁺

 

Rechtueerdich oordeel zal den zulcken ghebueren

30

en die Rechtueerdeghe dynghen gheleert zyn vroedt

 

Vynden / wat zy mueghen andwoorden tallen hueren

 

die ongodlicke vreeseloos vlucht int ghedueren

 

als hem nyemandt en Iaeght / ende cryght verflauwen⁺

 

maer die Rechtueerdeghe als staende mueren

35

zal ghelyck een leeu moedich zyn ende betrauwen

 

Rechtueerdicheyt zalmen eeuwich onsterflick schauwen

 

⁺⁺ Rechtueerdicheyt in alle dat goet es verhuecht

 

end in een ouervloedich Rechtueerdich Bedauwen

 

Certeyn / daer es bevonden dalder meeste duecht

 

Want huerer vrucht Een boom es des Leuens Iuecht⁺

5

wie onRechtueerdich es Wordt ongheacht ongheviert

 

dus ghy O menssche gods volght Rechtueerdicheyts vruecht

 

Rechtueerdicheyt bemindt ghy die de Eerde iugiert

 

 

 

Prinche

 

 

 

Want eist dat Rechtueerdichede volght ghij⁺

10

zo zult ghyse vercryghen ende zultse Andoen

 

als een Reyn ghestaedich cleedt der eeren vry

 

ende zult met haer inwonen met herten Coen

 

ende zou zal hu beschermen in elck saeysoen

 

inder eeuwicheyt / ende zult vasticheyt vynden⁺

15

inden dach der kennessen / ende als blat groen

+ prouerbi 24

+ Sapien 3

+ Psal 36

+ Sapien.6.

+ prouerbi.28.

+ 185 v

+ Fol. 185 v, r. 29 onderstreept.

+ prouerbi 11

+ Eccli 27

+ prouerbi/11

[p. 65]

 

zult om vruchten voortbrynghen / hu dan bewynden

 

Aaron die liet hem / omgordende Bynden⁺

 

metten gordel der Rechtueerdicheden dats claer

 

van ghelycken hu gord wie contrarie pynden

20

hem te gordene / metter onRechtueerdicheyt zwaer

 

wie ouertard van gherechtheyt tot zonden daer⁺

 

den zulcken heeft god Totten zweerde bereed

 

Weist vroom / trect an den nieuwen menssche voorwaer⁺

 

die naer god gheschepen es / zoo paulus heet

25

in Rechtueerde en helicheyt des waerheyts ghespreedt

 

duer tghelooue de Rechtueerde Leeft in persoone⁺

 

met tpanssier der Rechtueerdicheyt staet Anghecleedt⁺

 

vp dat ghy mueght zegghen schriftuerlick schoone

 

Voort an es my vpgheleydt der Rechtueerden Croone⁺

30

doet ghy anders / metten helsschen wordt ghy ghelogiert

 

maer gods Rycke onverghanclick Cryght ghy te Loone

 

Hebt ghy Rechtueerdicheyt Lief / die de eerde iugiert⁺

+ Eccli 45

+ Eccli 26

+ Ephe / 4

+ Abacuc / 2

+ Ephe / 6

+ 2 thimo / 4

+ Sapien/ primo/