Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdGa naar margenoot+ Refereyn
Eerdsche conynghen. verstaet / ende word ondervvesen
ghy de ghuene die oordeelt dat eerdeRycke
dient den heere in vreesen / Ende bouen desen
5[regelnummer]
verblydt hu in hem / met een beuynghe ghepresen
die een Conyngh was gheboren binden eerdschen wycke
Een conyngh der glorien gheen zynder ghelycke
heere der crachten sterck ende machtich Acquyt
stercte van zynen volcke / te gheenen bezwycke
10[regelnummer]
der Ioden Conyngh iesus christus ghebenedydt
hy zal zitten een Conyngh / eeuwich zonder tydt
zyn volck cracht gheuen / ghebenedyden met vrede
tot an des weerelts hende / heeft hy den stryd
ende stryden wech ghenomen / ons verlost der mede
15[regelnummer]
van god den vadre ghezonden tonser zaelichede
om dat wy duer hem zouden / gheloouen god zaen
Een verwinder des doods / en der helsscher stede
dat hy in ons zou de wercken des vyands ontslaen
wiens Rycke blyft eeuwich / eeuwich zonder verghaen
20[regelnummer]
dominerende binnen die hemelssche wuenynghen
diet al onderhoud
dies belyden tzynder eeren / zoot goede verstanden // plochten
Lof onvervvonnen Cuenyngh / Cuenyngh der Cuenynghen
Wien Cuenynghen drie / drie offerhanden // brochten
25[regelnummer]
Mirre / WieRoock en Goud
| |
[pagina 66]
| |
Desen Cuenyngh / ghaet al tsweerelts cuenynghen te bouen
want die al ketyfuich worden gheboren aldaer
den conyngh dauid zangh dies / om desen Cuenyngh louen
ick bem ketyfuich worden / ende zondich bestouen
30[regelnummer]
want myn moeder heeft ontfaen my in zonden zwaer
Christus gheboren cuenyngh / blyft een cuenyngh vruchtbaer
al dijngh mueghende in dhemelsche en tsweerelts Ronde
onse helicheyt Rechtueerdicheyt / es hij voorwaer
in wiens mondt noyndt bedroch was / noch eeneghe zonde
35[regelnummer]
ghehelicht van zynder ontfanghenesse stonde
Ander Cuenynghen worden van hem oock inghestelt /
Ga naar margenoot+ ende zy instellen hem niet / dats clare oorconde
want duer hem Rengneren Cuenynghen / Salomon vertelt
van god den vadre gheschict / die alle onRecht velt
duer hem ghebieden princhen in tsweerelts omRynghen
5[regelnummer]
Alder cuenynghen ende princhen cracht voor hem smelt
vvant hy heeft die ouerheyt in alle dynghen
zyn septer / dats zyn cruce / ieghens tsvyands bedwynghen
dier bughende voor voud
ende vleesch noch bloedt macher doen ieghenstuenynghen
10[regelnummer]
dies metten ghuenen / die hem huut verre landen // zochten
Lof onvewonnen Cuenyngh etca /
Eerdsche Cuenynghen gheuen van huer Rycke een deel
vp dat zy wat behouden / mueghent niet gheel gheuen
Christus onsen cuenyngh / gheeft ons themelssche parcheel
15[regelnummer]
comt zeght hy Comt bezit dat Rycke gheheel
twelck hu bereed es / van tbeghin des weerelts beseuen
Comt stoutlick ghij zyt myn MeErfghenamen bleuen
die heere heeft zynen stoel inden hemel Bereed
en zyn heligh CuenynghRycke / int eeuwich Leuen
20[regelnummer]
zal heerschappie hebben ouer al by en Breed
ander Cuenynghen Rengneren onlancx hoe machtich ghecleed
hedent Leuende Conyngh / ende zaen moorghen dood
maer Christus onsen Conyngh die elcx sterfdach weet
zal eeuwich Rengneren onverwinlick conyngh groot
25[regelnummer]
zyns Rycke wordt gheen hende / dwelck zonder beghin sproot
als de menssche vuldaen heeft / zal hy eerst beghinnen
zyn wapenen zyn zyn helighe vyf wonden Roodt
daer hy dhelsschen conyngh pharao me conste verwinnen
en tsatanytich serpent vercorten wy zyn vinnen
30[regelnummer]
vast gheloouelick stout
met tzweerd van gods woord gheefwhem veel cluenynghen
vp dat wy niet vallen Tusschen zyn tanden // mochten
Lof onvervvonnen cuenyngh. etca /
| |
[pagina 67]
| |
Keyser prinslick Conyngh dit liet hy al gheschieden
35[regelnummer]
vp dat de prophecie onvervult niet en keere
zy alle van Saba zullen commen ende bieden
Ga naar margenoot+Ga naar voetnoot+ hem / eere goud zeluer ende Wyeroock zylieden
hem brynghende / Louen ende dancken den heere
end alle cuenynghen / zullen hem anbeden zeere
// Byden welcken drie cuenynghen / Reyn huutvercoren
5[regelnummer]
verstaen wy / tmensschelick gheslachte tonser Leere
twelck van drie zuenen Noe / es ofgheboren
tgoud beteeckent Christus conynghscap eeuwich toeghezworen
Twieroock de godheyt / wien men sacrifitie doet
die Mirre Tevergheefs was niet ghegheuen verloren
10[regelnummer]
Beteeckent christus steruelicke menscheyt goet
van maria gheboren / Alder zuuerste Bloedt
Lydende heet en Coud
om ghenesen onser doodwondeghe Bluenynghen
eer die in ons veel stynckende schanden // wrochten
15[regelnummer]
Lof onvervvonnen Cuenyngh / Cuenyngh der Cuenynghen
Wien cuenynghen drie / drie offerhanden // brochten
Mirre. Wyeroock en Goud.
|
|