Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdZot Refereyn
Veel afgryselicker zot /dan Corebus zyn zy
die hem vp zotte kyndren der mensschen verlaeten
die verre ghaen ligghen wachten / dat zy hebben by
30[regelnummer]
met verslytynghe van schoens / maecken huer selfs onvry
zotte bloessem verbeyders / van boonen met gaeten
Ga naar margenoot+ die tot tsmekens loopen / en den grooten smet laeten
huer secreit openbaeren / die voortzegghen dat zy weten
processen betrauwen vp droncke Aduocaten
met pachters van ouerdraeghen daeghelicx Eten
5[regelnummer]
vpde ghuene / die zyn met een smeecker bezeten
veel zupen en Lecken / met die vaeghen de mauwen
vp vraukens die tlynwaed / met corter mate meten
Zyn zy niet zot die hem daer vp betrauwen
Die verre willen zwemmen met duergaette blasen
10[regelnummer]
of met een lack schip duervaeren den zeeusschen Cant
huerlier tresoriers maecken / van die gheerne Cabasen
oft hem betrauwen / vp die huut end in Raesen
die maetsen oft themmeren vp een stuvende zant
die degyptenaers doen bezien huerlieder handt
15[regelnummer]
vp een zotte medechyns Raedt / derfuen bier en brood
vp vreimde quackzaluen van verre buten tlandt
vp vortte coorden danssen / gheheel zonder noodt
vp vergheuenes bidders schynt met Leedschap groot
ende daer naer / een man Teerssenbecken afhauwen
20[regelnummer]
zyn zy niet zot / die alsoo Loopen in haer doodt
Zyn zy niet zot / die hem daer vp Betrauwen
Die de Cadiaenen een bierghelach schyncken
betrauwende te brynghene Bier van buten in
oft daer vp te stoutelicker ghaen buten dryncken
| |
[pagina 122]
| |
25[regelnummer]
oft al huerlieder betrauwen tstellene dyncken
vp fietsers end oorblaesers Om eeghin ghewin
vp grynders twelck niet ghaet beneden den kin
vp een scrauende peerdt / Twelck al bytende lacht
of de ghuene die zyn van zulck eennen zin
30[regelnummer]
dat zy hem betrauwen tghaene / vp thys vander nacht
vp zotten die zyn zoo dwaeszinnich gheacht
dat zy gheloouen twanckelbaer spreken van vrauwen
vetzacx die ghaen danssen vp zolders ongheschacht
Zyn zy niet zot die hem daer vp betrauwen /
Die hem betrauvven vp meneghe stonden
vp tvueghelgheRoup of tghecraey vanden haene
vp waerzegghers mensschen vul lueghens bevonden
5[regelnummer]
vp sterrekyckers / die stranghe wynters oorconden
vp een crepel peerd Commende ghewapent ter baene
vp inckel zuelde schoens Pilgrimaidgen te ghaene
vp iudas cauwen die heymelick tvolck ouerbrynghen
die waenen dranck inhouden vp een Lekende Craene
10[regelnummer]
Crepels die vp woormgaeteghe cricken sprynghen
Maegden vp tveel belouen van ionghelynghen
vpGa naar voetnoot* ontfanghers cnaepen die de necke Crauwen
die naer der manen loop / doen natuerlicke dynghen
Zyn zy niet zot die hem daer vp betrauvven
|
|