Eduard de Dene. Testament rhetoricael

Andre zot Refereyn // Certeyn
vanden verflauwers
Zotte Betrauvvers

In Maegdoms droom / nv onlancx verwortelt gheleghen
peerds pyne Lydende / onghevoelich bedeghen
met dat ick trubbel dooldranck hadde ghedroncken
wierd van een Cabouterken Rasch wech ghedreghen
tot in tlandt van Buusbaurea daer cauwen proncken
ick wierd ontwaecken / mids de zotsbellen dier cloncken
van dier vp de weirhane dansten ouer tey
hem betrauwende / dat zy niet nedervvaerts zoncken
met datse waeren ghezeynt metten grooten key
ick dit ziende / doe ieghens my zeluen zey
naer dat hemlieden volgden veel zotte vroevrauwen
yy. / y ghans gheberghten zulcke dasaerts vey
Zyn zy niet zot / Die hem daer vp betrauwen

Meester scrobbe / die dochter my wesen heere
Ick zacher een Cafcoenvaegher zonder leere /

[p. 123]

 

⁺ van tdeen cafcoen in tdander vlieghen aldaer

 

en betraudhem vp een Rynghesken te groot niet zeere

 

daer een cleen ghewyd steentien in stond zeer claer

 

een peckzwarte vandoyse die volgdhem naer

5

met zout water bespeerst / en besteken met ians Cruudt

 

maer tian hadse niet belesen gheweist voorwaer

 

schrobbe hadse Certeynlic min dan penssen ghetruut

 

ick zacher veel ontcleeden / Naecter dan een Puut

 

elck docht hy ghynck onzienlick / nyemandt mochtse scauwen

10

elck had een briefken anden hals / dies Riep ouerluudt

 

Zyn zy niet zot die hem daer vp betrauwen

 

 

 

Noch zach icker zommich betrauwen byzondere

 

dat dochte my wesen tmeest zotste wondere

 

tslot van dronckenborch beclommen daer de boeren

15

end in ste van Leeren van bouen tot ondere

 

craeckelynghen vlochten zy / om der vp Remoeren

 

huerlieder harnasch daer zy me tstoorme voeren

 

vvaeren gheCrude wafelkens an tlyf ghebacken

 

ende ieghens tgheschot van die brandeghe Roeren

20

clommen zy vp boomen / met de brooschste tacken

 

en zom quammer gheReden vp wulle zacken

 

duer vier en waeter / wanende zoo wonder brauwen

 

tfy tfy / docht ick verlaeders van groote packen

 

Zyn zy niet zot. / die hem daer vp betrauwen

 

 

25

Prinche

 

 

 

Noch Wasser een zotte soorte

 

by Rae van Wanen wys zyn beclommen de poorte

 

vp glasen plattynen / met zwaer ghepeicte stocken

 

die van binnen schoten treffelick naer de behoorte

30

hemlieden vp tlyf sulferpondeghe brocken

 

die van buten vp clommen met vulbuspoers zocken

 

daer zy hem vp betrauden / die van binnen deeren

 

stelden hem in gloeysels zelue / dies zy vertrocken

 

haelende voor dronckenburch zo veel appels als Peeren /

 

⁺ naer een sterrekyckers Raedt was huerlieder begheeren

 

te doene / die voorzien hadde tsanders benauwen

 

maer tviel gheel anders / Och zeyd ick / hoe zy zweeren

 

Zyn zy niet zot die hem daer vp betrauwen

+ 221 v

+ 222 r