Logo DBNL
Eduard de Dene. Testament rhetoricael (1976-1980)

Eduard de Dene. Testament rhetoricael

(1976-1980)–Eduard de Dene–rechtenstatus Auteursrechtelijk beschermd

Vorige Volgende

+ Refereyn

 
Ghelyckerwys zoo Moyses in tyden voorleden+
 
Tserpent heeft inder woestine verheuen
 
zoo moet de zuene des mensschen met dancbaerheden
5
verheuen worden eeuwich ende eere ghegheuen
 
vp dat alle de ghuene die zyn ghebleuen
 
in hem gheloouende / wel Eendrachtich
 
niet verghaen zouden / maer hebben teeuvvich Leuen
 
vvant zoo heeft god de weerelt bemindt warachtich
10
dat hy zyn eeghin gheboren zuene machtich+
 
ons ghegheuen heeft / die ons zoo wilde beminnen
 
vp dat de ghuene in hem gheloouende Crachtich
 
niet verghaen zouden / maer teeuvvich leuen ghewinnen
 
wie in hem ghelooft met vast ghestaedeghe zinnen
15
die en zal niet worden gheoordeelt daer
 
ende teeuwich leuen wordt hy te binnen
 
die ghelooft in gods zuene warachtelick claer
 
wie hem niet ghelooft zal tleuen niet zien voorwaer
 
maer gods toornicheyt / zal vpde zulcke blyfuen
20
En die gheloouen zullen teeckenen volghen naer+
 
met nieuwe tonghen spreken / en serpenten verdryfuen
 
ende naer christus woorden tot huer beclyfuen
 
al vvaert zoo dat yet doodelicx droncken zy
 
niet schaedlick en zal dat hemlieden ontlyfuen
25
maer huutworpen duvels duer zyn name vry
 
die in gods name gheloofuen / ghegheuen heeft hy+
 
macht omme dan kynderen gods te zyne
 
huer handen zullen zy legghen vp ziecken by
 
en zullen wel te passe wesen huut huerer pyne
30
dus waect staet int ghelooue met cloucken schijne
 
doet manlick al hu dynghen met liefden ghepresen
 
end al tooghdemen hu goden van eerdscher Mine
 
Wilt inden ghecruusten god / gheloouende wesen /
 
 
 
+ Abraham die gheloofde an gode zeere+
 
en tword hem tot gherechtheyt gherekent zaen
 
pieter sprack ghy hebt woorden des leuens heere
 
tot wien zouden wy anders dan mueghen ghaen+
5
en wy bekennen / met een vast gheloofuich vermaen
 
dat ghy Christus gods Leuende zuene zyt
 
pieter wiste wel tghelooue zoude vastelick staen
 
en wie niet gheloofde wel staen te gheender tydt+
 
ghelooft ghy niet zeght christus Ghebenedydt+
10
dat ict bem / ghy zult in hu zonden steruen
 
maer die in my ghelooft / warachtelick zonder Respyt
 
al waer hy doodt oock / Tleuen zal hy verweruen
 
en ghy gheloofdet / zult zien de hemelssche eruen
 
end en zult negheenssins worden beschaemt+
15
dus wilt den schilt des gheloofs niet deruen+
 
ieghens tqua vierich gheschot / dwelck niet en betaemt
 
neimt met hu den helm des zalicheyts ghenaemt
 
ende tzweerd des gheests dwelck es gods woord
 
al wierde zonde vleesch weerelt thuwaert verzaemt
20
om bevechten / worden zy zelue van hu vermoort
 
Maer wat tghelooue es / Aluooren wel hoort
 
Tghelooue es / een vvesen der dynghen ziet+
 
die ghehoopt worden / met vast betrauwen voort
 
end een bewys der dynghen / onzienelick yet
25
vvat ghepeyns esser dan* onder hulieden gheschiet
 
ghy die nv zyt van ghelooue zo cleene+
 
zaelich zyn die gheloouen / ende en zien niet
 
dus belydt met huwen mondt ouer al ghemeene+
 
den heere iesum christum van Nasareene
30
en ghelooft in hu herte dat god bouen desen+
 
hem verwect heeft vander doodt // Ende thuwen Leene
 
Wilt inden ghecruusten god / Gheloouende wesen+
 
 
 
vvie ghelooft. hem en zal niet zyn onmueghelick
 
zonder ghelooue eist onmueghlick god behaeghen+
35
ghelooue zachtmoedicheyt / es gode hueghelick /+
 
+ huut tghelooue / de Rechtueerdeghe leeft veel daeghen+
 
voorwaer zeght christus / wie myn woord hoort ghewaeghen
 
end hem ghelooft / die my ghezonden heeft thuwer noodt+
 
niet en comt hy inder verdommenessen plaeghen
5
maer zal in tleuen ghaen / voor de doodt
 
dynct tes gods werck / die zoo ghelooft cleen en groot+
 
in hem die hy ghezonden heeft zo ghenaedich
 
vvant van ons zeluen hebben wy niet die zyn bloodt
 
ten zy ons huuten hemel ghegheuen daedich
10
duer gods gracy / zyn wy zaelich end onbeschaedich+
 
duer tghelooue / ende niet huut ons verstercken
 
tes gods ghifte / vp dat nyemandt vrouch of spaedich
 
hem en zoude verwaenen vp zyne ghewercken
 
Want als wy ons Rechtueerdicheyt ouerMercken
15
doch als een vrauMaendzuchtich cleed zyn die bevonden+
 
acht vp gheen gheltgoykens / noch oock vp clercken
 
die met buesels waenen te Afnemene zonden
 
maer ghelooft god ontwyfuelick tallen stonden
 
end huwen loon zal worden niet ydel bekent+
20
tsheeren ooghen anzien Alle landt ende gronden+
 
en die an hem gheloofuen hy stercheyt zendt
 
Elck huwer met thobias te zegghene inprent
 
wy verwachten dat* leuen / dwelck god zo goet+
 
dien zal gheuen / wiens ghelooue blyft ongheschent
25
ende die daer in gheenssins veranderen doet
 
van afgoden zeght iohannes / ghy hu wachten moet+
 
vvant een vloobete cunnen zy niet ghenesen
 
maer al zoudhet hu costen / dyns herten bloedt
 
Wilt inden ghecruusten god gheloouende wesen
 
 
30
Princhelicke
 
 
 
Gheesten wilt gheenssins gheloouen
 
wiens propheten ghepropheteert hebben om ghelt+
 
die met handghewrochte goden / het volck verdoouen
 
en wiens princhen oordeel / was tot ghiften ghehelt /
 
+ hu ghehoorzaem hu niet onder de zulcke stelt
 
vviens priesters die hebben om loon gheleert
 
peynst dat der volcken wetten zyn ydel ghetelt+
 
der heyden goudin afgoykens oock niet en eert+
5
maer ghelooft in iesum christum / en tzyne waerts keert
 
die zecht wie dat my Loochent voor menschen / certeyn
 
dat / dat Loochenen / vp zulcke zal worden vermeert+
 
voor myn vader die daer es int hemelssche Pleyn
 
ende voor huerlieder onghelooueghen treyn
10
huer deel zal wesen / als zy scheeden van hier
 
inden poel cryseltandich vul stancx onReyn+
 
bernende van sulpher end onblusschelick vier
 
dus zullen zy Logieren metten helsschen ghier
 
inde tweede doodt / ende zonder steruen nochtans
15
ghy vvederspannich / onghelooueghe schuut dit dangier
 
eer dat ghy danst desen verdomlicken dans
 
maer neimt huwen toevlucht vrauwen en Mans
 
tot dien heleghen ghecruusten god / ende verResen
 
daer naer ten derden daeghe dus vierich stappans
20
Wilt inden ghecruusten god gheloouende vvesen

Vorige Volgende