Eduard de Dene. Testament rhetoricael

Huvvelicke Staet

Thuwelick Es eerlick onder alle staeten⁺

Ende dat bedde / zonder smette / Bouen al

maer god zal / die oncuussche menshen^* verlaeten

ende die ouerspeelders hy oordeelen zal

Teerste Religioen dats thuwelick bequame

als heligh oorboirlick want god sprack wylent eer

daer zy twee verzaemt zyn / in mynen name

daer bem ick inden middel / wat wildy meer

Adam end Eua wesen ons den wech

datmen tmensschelicke gheslachte moet vermeeren

zonder Redene / en voughter gheen ontzegh

alsment mach doen met god / ende met eeren

Naer dat adam end eua hadden ghezondicht

Beetzeb theldimanim was thuerwaerts tverclaersen

zoot huer teender penitentien was Becondicht

Dats in pyne zult ghy huwe kynderen Baersen

Huus Erfue ende Rycdom menichfout

mach ons wel van ons ouders zyn bleuen

maer een wys wyf Prysvveerdigher dan goudt

Wordt alleenlick vanden heere ghegheuen

+ hebre. 13.

* ‘oncuussche menshen’ (?) interlineair in zeer zwarte inkt boven rasuur.