Eduard de Dene. Testament rhetoricael

Thobie

Die thuvvelick Anveerden hier in tleuen

ende god daer huut sluten / dach ende nacht

end^** hemlieden der wellusticheyt ouergheuen

** ‘end’: oorspronkelijk ‘ende’, laatste ‘e’ geschrapt.

[p. 171]

 

Ouer zulcke / zo heeft de vyandt macht /

 

 

 

⁺⁺ Goet es dat huwelick / daer de weerelt duere

 

in generatien wordt vermenichtfuldicht by

 

maer beter es tmaegdom / in zulcken viguere

 

Waer duer dhemelssche glorie vercreghen zy

 

 

5

In deerste eeuvve duer de gods gratie

 

ghemerct zy natuere ghauen statie

 

Onse voorders hebben gheweist vruchtbaer

 

om vermeersen de mensschelicke generatie

 

want zonder Seth abel ende Caym tdier spatie

10

Adam hadde noch dertich kynderen voorwaer

 

Iayr israels zeuenste Rechtere daer

 

hadde oock tsghelycx dertich zuenen in tleuen

 

Thespis van athenen die volghder naer

 

van hem zyn vichtich dochteren ghebleuen

15

maer tsghelycx noyndt dan van Roboam ghescreuen

 

dese hadde Thien huusvrauwen ghepresen

 

dertich Concubynen hem toeghegheuen

 

xxviij zuenen / Veertich dochters bouen desen

 

huuten welcken / es groote generatie gheResen

20

deene tot tgoe / ende dandre tot quaede

 

huut des huwelicx staet Comt tbeste wesen

 

Met meerder zalicheyt / Eere / ende minst schaede

+ 250 v

+ Fol. 250 v, r. 9-11, 13, 15 (namen in humanistisch schrift), 16 ‘Thien huusvrauwen’, 17 ‘Concubynen’, 18 ‘xxviij zuenen’ onderstreept.