Eduard de Dene. Testament rhetoricael

Aucteur

Zyt zuver / als Penelope icarus dochtre
dhuusvrauwe van vlysses Reyn zuver Aerdt
huer met ghiften te ontEerene menich zochtre

[p. 175]

20

maer hoe ghesmeect / wat belooft / nyemandt an gherochtre

 

huer man twyntich iaer ghederft / heeft haer eere bewaerdt /

 

 

 

Doodt dies huwe leden die zyn vpder Eerden⁺

 

oncuusscheyt / besmettynghen qua begheerlicheden

 

vleesschelicke wellusten / wilt gheenssins Anveerden

25

in zuuere ghepeynsen Bezit huwe Leden

 

ende wilt niet hoereren te gheenen steden

 

zoo als zommeghe hebben ghehoereirt / Ach

 

ende wierden gheplaeght / om dat zy mesdeden⁺

 

Omtrent xxiij duust / storuer vp eennen dach

 

 

30

Nu voort myns Beghins

 

ion ick ook wat Den Vader des huusghezins

 

 

 

⁺ Al eist dat den staet / van alle weerlicke dynghen

 

en den huutghanck van allen handel int omRynghen

 

al meest zyn der fortunen / onderworpen bleuen

 

gheenssins dies te min ne zalmen Afdwynghen

5

en daer om achterlaeten / Een Regle van leuen

 

Anghemerct dan hoe wel in een huus zy beseuen

 

den cost en tghewin ghelyck te zyne daer

 

zo mach nochtans duer een haest onghluc anghedreuen

 

den staet van dien huuse verderuen openbaer

10

Ende dus by consequentie zo volghter Naer

 

een onachtzaem ende zoorgheloos mensschen staet

 

es een gheel vervallende huus voorwaer

 

midswelcken tgheheel huusghezinde te nieten ghaet

 

Donachtzaemheyt des huus Regierders twelck zeere schaedt

15

tes een gheweldich vier int huus ontsteken

 

Onderzouct dies neerstelick vp dat hu baet

 

tRegiment dyns huusghezins / zoo zoorgfuldich bleken

 

vvant minst schande zo eist by maniere van spreken

 

in tyds schaede te voorstaene met neerstichede

20

dan by verzwymenessen onAchtsame ghebreken

 

gheel te verghaene / Dan commen tot ketyfuichede

 

Tes claerlick dies Een groote voorzienichede

 

voor een vader des huusghezins dat dicwyls hy

 

ouerzie al zyn dynghen / hoe dat daer mede

25

ghestelt es / en claer wete / hoet met zynen staet zy

 

zoo voorstaet hy in tyds schande / end eere blyft hem by

+ Collos .3.

+ .1. Corinthe. .10.

+ 253 r