Eduard de Dene. Testament rhetoricael

Refereynvvys wie my versnacte
int niet ghedooghen
By deser naervolghende Acte
Wilt zotlick betooghen /⁺

De mutsebreyeghen van stuuenbergh bekent
meest ziende Blendt
die heb ick vooren gheleydt / een argument
wie best deruen zou twyf de man / of de man twyf
een oude Lossche babilte / die quam my omtrent
in bouvrye vpghespent
vooren crepel achter lam / inde Coppelynghe styf
/ En zeyde / wieder ieghens stichte ghekyf
dat de man tvvyf / negheenssins mach deruen
vvant een man zonder wyf / es een versteken verblyf

+ 5 september .1545.
Tardenburch

[p. 217]

 

⁺ maer een alf Lichaeme / om Venus werck verweruen

 

een mes zonder schee / end in tsweerelts erfuen

 

by een man zonder wyf / men ghemack noyndt en zach

 

een man zonder wyf / Laet zyn Iueght afkeruen

5

dies zegh ick spracxse / ende wilder vp steruen

 

Tvvyf zou de man best deruen / dan de man tvvyf mach

 

 

 

Een man zonder wyf die moet Iaqueloos schoyen

 

en dooldranck poyen

 

al waer hy eennen ghoock zo zietmer me hoyen

10

kir een man zonder vvyf / die es nieuwers gheacht

 

vvie zoude dan mueghen zyn keerleken ployen

 

naer tspondeken schoyen

 

hem daer helpen vercheynsen Vrau venus pacht

 

end hoe zoudhy verweruen oock goeden nacht

15

zo spracker een oude tantTreckeghe daer

 

ende tvvyf de man als een Raeu eyken wacht

 

vvant twyf es tsmans hulpe ghestelt voorwaer

 

een man end een wyf dats een vriendelick paer

 

twyf es tghetauwe / de man den inslach

20

dies en mach deen zonder dander niet / maer

 

int derfuen / zo zegh ick hier nv openbaer

 

Twyf zou de man best deruen / dan de man twyf mach

 

 

 

Tes onlancx ghebuert Bin de vlaemssche paelen

 

spracxse zonder draelen

25

dat een gentelman ghynck buter myle malen

 

end een wyf an hem zeluen nochtans had hy

 

van een ander mans wyf vvildhy niet faelen

 

hy ghyncker in zaelen

 

ende vandtter hem Ruistich ontcleedt der by

30

tswyfs man die quammer te naerghanghe vry

 

ende zach een ander tzijnent Lossen zyn graen

 

hij hilt zyn ghedoogh / maer watter meer of zy

 

des naecte mans cleederen heeft hy Anghedaen

 

damaste keerle en Rock / docht hem moyelick staen

35

zyn goudin kethen anden hals oock vp dien dach

 

dus hadde dees man tvvee wyfs / naer myn vermaen /

 

⁺⁺ zo blycket hier huute Certeynelick zaen

 

Tvvyf zou de man best derfuen / dan de man twyf mach

 

 

 

Prinche

 

 

 

Desen hans de duudsche Liet twyf marioleren

5

hy ghynck tryumpheren

+ 276 r

+ 276 v

+ Fol. 276 v, r. 20-30 en datum in margine onderstreept.

[p. 218]

 

hy Ruusschte int damast clouck zonder cesseren

 

en Liet den ander zyn wyfs Cappelle bezynghen

 

hy schoyde naer taveerne dits om Corderen

 

om vruecht stofferen

10

zo deedhy als een heere daer halen en brynghen

 

zyn ghebuers verwondert van zyn moye dynghen

 

vraegden hem hoe dat hy zoo was ontslopen

 

ick bem nv in hem sprack hy / int omRynghen

 

van eennen die Light in myn wyf gheCropen

15

den wyn wierd wel eens vp den lyfcoop ghezopen

 

tdamaste cleedt bleeffer voor tgheele ghelach

 

tdeser causen dan ende tvoorghaende nopen

 

zo dynct my expresselick / en zoud oock hopen

 

Tvvyf zou de man best dienen / dan de man twyf mach.