Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn
Zom grootsche drooghe baldadighe snossen
zom wreeuwers zom goede knechten en Ruters
zom baetzouckers / om tvroylick schossen en brossen
30[regelnummer]
zom haghebynders / ende Lacke mossen
Ga naar margenoot+ zom tuusschers zom Raescops zom groote Cornuters
zom vreimde bubben zom wulpsche vermuters
zom futselaers dichters van anders Cueren
zom fletsers pluumstryckers ende loftuters
5[regelnummer]
ende zom wilde wouters van Aventhueren
zom Rechts by ghelde ghelyck freer Minueren
ende zom die naer tzeeussche gheberghte flyncken
zom in wien bloeyen diueerssche humueren
Zulck zynse die daeghelicx maertsbier Dryncken
10[regelnummer]
Zom teer zom vroom zom deluwe zom bluesende
zom sluts van leden zom magher zom vet
zom zoot wel blyct veel flumen luesende
zom apetytelick kuesemuesende
zom onghetempert en zom wesende bet
15[regelnummer]
zom ghaende besmatert zelden gent ende net
zom beter in deerde waen dan in tzout
zom dapper pupstekers naer doude wet
zom cleenmoedich zebaer zom gheestich zom stout
zom dinne van hoofde zom heesch en verCout
20[regelnummer]
meest die om zochte te Leuene dyncken
Rechts bierbuucken weerende tschimmel huut tmout
Zulck zynse die daghelicx maertsbier dryncken
Zom quaede Betaelders zom lettel gheacht
zom daer men mochte Cronycken of prenten
25[regelnummer]
zom fraeye beschermers eens anders vacht
zom voor haer zeluen van cleender macht
zom in groote tueghen vailiande studenten
zom zelden vercryghers van erfue of Renten
zom wys gheingient zom plomp van bestiere
30[regelnummer]
zom cooplyen die heymelick huer pandekens venten
| |
[pagina 56]
| |
zom mondspeilders ende zom van spraecke diere
ghetrauwe bancknechten onder Bachus baniere
daer men dassaulten / met thinne trompen doet clyncken
ia walghers van dobbel ende inckelen biere
35[regelnummer]
Zulck zynse die daghelicx Maertsbier dryncken /
Ga naar margenoot+ Prinche
Zom datse mueghen quaelick alomme ghaen
al hebbense nochtans vrome stypers van beenen
zom personnaidgen met veel volcx eerlick ontfaen
5[regelnummer]
int huus daer zessenveertich vaentiens vp staen
oft eilmannen waeren / zou menich boer Meenen
altyds durstich die gheen assyse vercleenen
zom die zeer zelden in dhooghmesse clappen
ten waere om tvrydom vanden groote steenen
10[regelnummer]
end om dat mense daer niet en zoude happen
zom huut wiens troengnen men tbier zou tappen
mids dat zyt elck andren zo couuerlick schyncken
ende diet by alfue potten gheel inlappen // zulck etca /
|
|