Eduard de Dene. Testament rhetoricael

Troostynghe ende Minlick verclaeren
voor alle zieckzondeghe zondaeren

Hoort ghy melaetsche mensschen quaetgrondich
die vertwyffelt staet in veel fantaserynghe
quelt hu niet te zeere al leeft ghy doodzondich
keert totten heere / Schict zoo hu ordonnerynghe
gheeft den vyandt gheen stede noch zyn tempterynghe
AnRoupt tshelichs gheest inspirerynghe
hy es troostbaerich al dat Leift onder de zonne
zoo myn Refereyn doet de instruerynghe
Twelck ick alle Zondeghe ziecken Ionne

Dheere god staetse by inder Noodt
Die hem AnRoupen met betrauwen groot /