Eduard de Dene. Testament rhetoricael

⁺ Refereyn

Ghy myn liefste vercoren Vriendinne eersame
Myn meInghelichaemde tot huwer vrame
myn eeghin naerghemaecte Reyn ghevoormde beilde
Comt myn gheRopene bruudt Roupt christus bequame
gheloouende ziele die my noyndt en verveilde
noyndt lief Lieftallicker in liefden zoo queilde
als ick om hu hebbe / ghequeilt totter doodt
huwen soon die my lieflick int anhooren speilde
heeft my ghetrocken thuwer dienst / huut myns vaders schoot
om hu heb ick huutghesturt myn helich bloedt Roodt
vp dat ghy end ick beede een wesen zouden
duer huwe liefde tmywaerts / myn wederliefde groot
en bermherticheyt blyft thuwaerts gheel zonder verCouden
hu willende behouden // Ter causen van desen
Myn liefste vriendinne heb Ick hu niet ghenesen

+ 399 v

[p. 144]

 

Myn liefste Vriendinne in tghelooue wilt sterck staen

 

myn bermherticheyt en zal van hu niet wech ghaen

 

die eens verre waert zyt my naer by gheworden⁺

 

ghelyck een wolcke hebhu boosheden huutghedaen

20

naer hu durste my / Eer ye beghinnen porden

 

helle doodt (hoe sathan en de zyne Cnorden

 

hu die weynich zyt minder dan dinghelen verschoont)

 

heb ick hu die niet / onder myne voeten vertorden

 

Ick god eeuwich en menssche doe sterflick ghepersoont

25

heb ick hu niet metter schilt / mynder wille ghecroont

 

huwen voorwech gheopent / naer tliefhemelsche pleyn

 

zonder hu verdiensten hu niet zaelich ghetroont

 

en dat meer es / dit moet ghy wel kennen Certeyn

 

als ghy zondich waert onReyn // zieck melaetsch int wesen

30

Myn liefste Vriendinne heb Ick hu niet ghenesen

 

 

 

Hu die dood dolende waert / nv leuendich vonden⁺

 

die zieck totter dood waert / by cause van zonden

 

heb ick hu niet ghenesen myn Liefste Vriendinne

 

⁺ Al hu smerten ghedreghen zwaerzondeghe ponden

 

hu / die Ick om myn tselfs naeme zeere Beminne

 

heb Ick hu niet vercoren vanden eersten beghinne

 

hu wiens schulden ick hebbe ghequeten gheel claer

5

heb Ick hu niet / Wien in eeuwicheden verzinne

 

hu my zeluen ghetraut inder Crucen outaer

 

hu die tdolende scaepken waert zo menich iaer

 

als kyndt der hoogher gramschap / duer myns vaders ban

 

heb Ick hu inlandt niet vercreghen / al was tstick zwaer

10

vvant die hu Antast / Tast den appel mynder ooghen An

 

vvat wilt ghy quellen dan // ick zynde verResen

 

Myn liefste Vriendinne heb ick hu niet ghenesen

 

 

 

Princesselicxste

 

 

 

Liefste Vriendinne verheuen

15

de wetbrief die Ieghens hu eerst was ghescreuen

 

tot huwer ontlastynghe / heb Ick die niet gheschuert

 

heb Ick niet mynen Rugghe den slaenders ghegheuen

 

ghewillich gheerne huwe zoetenesse Bezuert

 

heb Ick hu niet der ghenaeden wet ghewilleCuert

20

voorwaer heb ick niet al huwe quaelen gheleden

 

hu smerten zelue ghedreghen / my es voorts ghebuert

 

ghewond tzyne om huwe onRechtueerdicheden

 

Ick die hu lief des paeys zy Liefhebber vul vreden

 

Ick met wiens bulen ghy gheheel al ghenesen zyt

25

heb Ick hu niet / die van thooft totten voeten beneden

+ B

+ A

+ 400 r

[p. 145]

 

in myn lichaem niet gheheels / en hadde tdier tydt

 

hu ghezondt bevrydt // end als medechyn ghepresen

 

Myn Liefste Vriendinne / heb Ick hu niet ghenesen