Eduard de Dene. Testament rhetoricael

Aucteur

O ghy al eerdsche catyfueghe mensschen leert

Pooght alle zaecken wel / touerlegghene vry

om ouerpeynsen / wat wy zyn / thuwaerts inkeert

waer toe / dat altsaemen / oock gheboren zyn wy

[p. 185]

 

hoedaneghen Reghel / dat ons inghestelt zy

 

hoe Rasch dat gheel metten menssche / es ghedaen

 

Dat de menssche zo snelhaestich sterft / hoe tcomt by

 

hoemen schat goed / en ghelt zal employeren zaen

15

Waer an / dat wy onse zinnen (zult oock verstaen /

 

behoorden te legghene / Voor ander zaecken

 

doch hoe zuer (dat een lettelken ghelts ontfaen

 

den mensche word / om eerlick duergheraecken

 

Leert oock^* wat ghy / met een wysneerstich waecken

20

van gods weghe / tghemeene welvaert talder tydt

 

vader ende moedere / met werckende spraecken

 

ende voorts alle die hu anghaen /) schuldich^** zyt

 

Godsvruchtich zeere / hu oock te pooghene quyt

 

Te wetene / wat van hu begheert god almachtich

25

Ouerpeynst oock / eer ghy der weerelt ouerlydt

 

tot wat staete ghy zyt gheRoupen eendrachtich

 

vreest den dach duusternachtich // wandelt niet als Blende

 

zulck werck zulck loon / zulck leuen zulck hende

 

Hy doet wel die van zonden hem houd de ghespende /

* ‘oock’: vlek over ‘k’.

** ‘schuldich’: ‘d’ over een eerste, mislukte ‘d’.