Logo DBNL
Eduard de Dene. Testament rhetoricael (1976-1980)

Eduard de Dene. Testament rhetoricael

(1976-1980)–Eduard de Dene–rechtenstatus Auteursrechtelijk beschermd

Vorige Volgende

Rethoricale bedynghe
huut ionsten ghemoet // Ter liefden verzoucke
Tot yeghelicx bevredynghe
Die den aucteur doet // van dese zijnen boucke
Refereyn

 
De zinnen en tghedochte In* tsmensschens Voetsteppen
 
van ioncheyts tydt voort zyn meest tot quaet gheneghen
20
heere / vvilt dies een herte Reyn in onse moet // scheppen
 
vvant huut therte ghaen quae menichfuldeghe pleghen
 
doodslaeghen / scalcheyt tot oncuuscheyt bedeghen
 
blasphemien / Valsch ghetughen end ouerspel
 
houeerdicheyt / ghiericheyt / bedroch int ontweghen
25
dees / en meer andre / den menssche besmetten fel
 
dies bid ick hu noch heere / end an nyemandt el
 
vvilt niet verre van ons doen hu ontfaermicheden
 
+ want my hebben in een grof ontellick Voortstel
 
veel quae dynghen ommevanghen in deerdsche steden
 
myn mesdaeden zyn zulckerwys ouergleden
 
dat zy myn duechts ghezichte gheel hebben ouerslooft
5
ende zyn vermenichfuldicht / met alle myn leden
 
al veel meer dan ick hayrs hebbe / vp myn hooft
 
en myn herte heeft my gheel verlaeten verdooft
 
dies my oordeelt / en myn zaecken wilt tusschen scheeden
 
van dat onheleghe volck / dwelck gheenssins ghelooft
10
en vanden valsch bedrieglicke mensschen wilt Leeden
 
vvant ghelyck een hert / wil zyne begheerten Reeden
 
totten waterfonteynen zeer viereghelick zaen
 
zo heeft myn ziele / met een betrauwich verbreeden
 
heere god / oyndt begheerynghe thuwaerts ghedaen
15
de quaede ken ick zult ghy doen quaelick verghaen
 
heere wilt ons dies verlossen Van zulcke schaede
 
ende eer vvy zullen moeten ten oordeele staen
 
O hemelsch Vadre verlost ons van allen quaede
 
 
 
Een goet. menssche brynght huut goe scat vruchten // goet
20
end een quaet / brynght huut qua schat Qua vruchten voort
 
dies bid ick thuwaerts heere / wien dat ick duchten // moet
 
dat ick wycke van tquaede / naer salomons woordt
 
Laet my doch zonder zondeghen wesen ghestoort
 
vpde ghuene die my hebben ghetorden te naer
25
vvant wraecke hu alleene heere god toebehoort
 
ghy die van allen quaeden verlost voorwaer
 
al de ghuene wie quaet doet die haet tlicht claer
 
dwelck christus es / Tlicht bouen lichten lichtende
 
doen wy gheen quae zaecken in tgheele iaer
30
der quae zaecken omRynghen / wordt van ons zwichtende
 
zyn wy gheen quaeder dynghen zaet huutzichtende
 
en dat inden acker niet der gherechticheyt zaeyen
 
Dat quaet onser zielen zaelicheyt slichtende
 
+ zullen wy zeuenvoudich niet wederom maeyen
 
maer wie onnooselick Leeft zonder ommewaeyen
 
den heere zal beroouen zulcken van goeden niet
 
heere zyt ons doch ghenaedich / ghy mueght ons paeyen
5
vvant mensschens hulpe ydel es / hoe die gheschiet
 
vvy weten / nyemandt en mach ons deeren yet
 
zyt ghy heere met onslieden by huwer duecht
 
Onsen toevlucht heere / zyt ghy gheworden ziet
 
eer dan de berghen ghemaect waeren / end alle iuecht
10
dies heere om besitten huwe hemelssche vruecht
 
doch en verlaet ons niet / die zyn gheel thenden Raede
 
maer bidden hu / ghy die al wat ghy wilt vermuecht
 
O hemelsch Vadre verlost ons van allen Quaede
 
 
 
Beminders quaeder dynghen die zyn de dood // weerdich
15
verdoen zult ghyse heere / Die lueghenen spreken
 
en die houeerdich Leifden in dit conRoot // eerdich
 
zyn verstroyt in haer herten ghedochten ghebleken
 
der ypocriten hope / word gheheel bezweken
 
wee hemlieden die in Cayms wech zyn ghetorden
20
haet en nydt zullen zyn als verghanglick versteken
 
en gheen deel zal huer meer inder weerelt worden
 
gramschap / en can gheen ghenaede beghorden
 
verworpen zal zyn den onproffyctelicken knecht
 
Wacht hu van ghiericheyt / wie hem daer oyndt toe porden
25
tes de wortle van allen quaeden / zoo paulus zeght
 
om wouckeren gheenssins huwe goedynghen inlecht
 
noch met crachte doet dyn broedere gheen ouerlast
 
neimt gheen ghiften / die crommen der iusticien Recht
 
vvie hu aerbeydt / eer ghy slaept / zyn verdienden loon past
30
met Nabuzardan negheenssins ghulselick brast
 
houd hu oock van tghezelschap die zeere dryncken
 
naer dhuusvrauwe van hu naesten / oock niet en tast
 
vvilt traeghelick oock niet te godewaerts dyncken
 
++ schuut zonden / die Walghelick voor gode styncken
 
en veronghelyct weduwen noch weesen gheene
 
end en wilt nyemandts eere noch faeme vermyncken
 
dit beveelt ons schriftuere ouer al ghemeene
5
maer mids dat wy zondaers grof zyn Tot duechden cleene
 
eer dat tonser begrauynghe Word te spaede
 
wy bidden hu hier in dit dal van weene
 
O hemelsch vadre verlost ons van allen quaede
 
 
 
Prinche
 
 
10
Onse Vader die dhooghste in sceppynghe zyt
 
in liefden alder zoetst / ende Rycxst eruachtich
 
die zyt in dhemelen / tsdrievuldicheyts speghel altydt
 
Croone tsblydschaps / der zalicheyts schat warachtich
 
hu name zy ghehelicht / heere god Almachtich
15
dats ons huenich inden mond zy / een haerpe in de ooren
 
een deuotie int herte / en thuwaerts eendrachtich
 
hu Rycke toecomme / dwelck es zonder verstooren
 
eeuwich zeker / en vul vruechts / duer dinghelen chooren
 
hu wille gheschie / als in dhemel / zoo vpder eerden
20
dat al wat hu meshaeght / dat wyt niet en oorbooren
 
vvat ghy bemindt / wy met liefden dat oock anveerden
 
end hu beliefte vervullen / god hoogst van weerden
 
heere gheeft ons doch hedent ons daghelicx Brood
 
Broodt der leerynghen / zoot hu naervolghers begheerden
25
Brood des duechts / Brood van berauwe in dhuterste noodt
 
En vergheeft ons onse schulden / die wy zo groot
 
ieghens huwe hoocheyt dicwils hebben bedreuen
 
oock ieghens onsen naesten int zondich exploot
 
end oock ieghens ons zeluen in al ons Leuen
30
Alsoo wy onse schuldenaeren vergheuen
 
die ons hebben yet mesdaen met woorden of wercken
 
End en brynght ons niet in tbecuerlick sneuen
 
+ des vleeschs / noch tot al tsweerelts ydel bemercken
 
noch dat wy ons vanden Vyandt niet laeten verstercken
 
maer bidde god almachtich duer huwe ghenaede
 
Nu / in voorleden / oft in toecommende Percken
5
O Hemelsch Vadre verlost ons van allen Quaede

Vorige Volgende