Logo DBNL
Refreinenbundel (1940)

Refreinenbundel

(1940)–Jan van Doesborch–rechtenstatus Auteursrecht onbekend

Vorige Volgende

[XXVII] Refreyn

 
I Oncheyt van mi vliet, vliet van mi verblijden,
 
vliet van mi, iuecht, tot desen tijden,
 
want niet dan lijden is mi nakende.
 
si mi en acht niet, wie sal mi bevrijden
5
voor tdruckich liden dwelc ic ben smakende.
 
+ mijn sinnen die altoos na haer sijn hakende
 
nochtans weet ic wel tis verloren pijne,
 
nemmermeer weet ic aen troost te gerakene,
 
dat merkic na dat si mi doet int schijne,
10
dies ic verdwijne en alle mijn cracht vliet,
 
dus mach ic wel seggen tot desen termijne:
 
ic sterue door haer die mijns en acht niet.
 
Ay lasen tmach mi wel vernoyen,
 
want si die mi dus doet vermoyen
15
met Venus boyen, die schepter vruecht in.
 
hoe soudic dan in vruechden groyen,
 
te rechte mach ic vol drucs wel vloyen:
 
sal den boom bloyen, daer moet sijn iuecht in.
 
mi wondert hoe si daer verhuecht in
20
en ic haer niet dan duecht en ionne;
 
certeyn ic meen daer en schuylt geen duecht in,
 
nochtans geen lieuer heb ic onder de sonne;
 
waer ic liep of ronne, ic hebse in mi verpacht siet,
 
tis al om niet wies ic beghonne:
25
ic sterue duer haer die mijns en acht niet.
 
 
 
Als ic dencke om mijn lijden onmetelic
 
dan peysic hoe die vruecht is onvergetelic
 
+ die de ghelieuen secretelic tsamen bedriuen.
 
in mi selue dat ic berghe so hetelijc vs. 29
30
mer als si mi dan aensiet verbetelic vs. 30
 
soet elcken is wetelic ten baet gheen kiuen,
 
mijnen druck moet dies te meer verstiuen;
 
nochtans wat icker om doe tis al verloren,
 
si is die liefste en salse ooc bliuen
35
al had ic bi sancten oft sanctinnen gesworen.
 
mijn liefste geboren, mijn quale doch sacht yet,
 
och ic mach wel segghen, mijn lief vercoren:
 
ic sterue door haer die mijns en acht niet.
 
 
 
Prince, wildi leuen in rusten
40
doet gheen vrouwen in v ghedacht siet,
 
want ghi sout seggen eert v sou lusten:
 
ic sterue duer haer die mijns en acht niet.

Vorige Volgende