Refreinenbundel
(1940)–Jan van Doesborch–
Auteursrecht onbekend[LXV] Refreyn Ga naar eind[LXV]
LAsen minners aenhoort wat ic v clage,
biddende v minlic om raet
eer mi bederft vrou Venus plage:
een eewich druck te miwaert slaet
5[regelnummer]
want si daer alle mijnen troost aen staet,
heeft mi bedroghen en niet begheert.
ic mach wel trueren al ist gheen baet,
want vleesch en bloet heb ic om haer verteert.
| |
[pagina 122]
| |
Ic waende waenen dat si mi minde,
10[regelnummer]
Ga naar margenoot+ haer huesch ghelaet heeft mi bedroghen;
van vruechden bi na dat ic ontsinde
als ic aensach haer vriendelike ooghen;
si conste sonder meenen toghen
ionste die mijnder herte deert.
15[regelnummer]
mi te mislaten mocht ic mi poghen, Ga naar eindvs. 15
want vleesch en bloet heb ic om haer verteert.
O minners sijt wel op v hoede
wien ghi vast int herte croont;
al sietmen v aen met blijden moede
20[regelnummer]
en vaet niet haest oft ghi sijt ghehoont, Ga naar eindvs. 20
want mi is duecht met quaet gheloont,
sueticheyt met bitterheyt ouersmeert.
ic mocht wel meer drucs hebben gethoont
want vleesch en bloet heb ic om haer verteert.
Princesse
25[regelnummer]
Gode beueel ic v, suete lief.
al hebdi mi dus saen vergheten,
dat heeft gedaen des nijders bedrief
die van niemant duecht en willen weeten;
si sijn volcomen van vermeten Ga naar eindvs. 29
30[regelnummer]
dat v mijn ionste dus is onweert.
ic mocht mi seluen van rouwe wel eten,
want vleesch en bloet heb ic om haer verteert.
|
|