Refreinenbundel
(1940)–Jan van Doesborch–
Auteursrecht onbekend[LXXIII] Refreyn
WAT baet nv tsien van mijnen ooghen
oft hem daenschouwen niet en greyt; Ga naar eindvs. 2
wat baet svolcx schoon woorden toghen,
en al haer spreken mi dunct misseyt;
5[regelnummer]
wat baet mi veel spijsen voren gheleyt
daer kele noch tonge smake in en heeft,
wat baet mi der werelt vrolicheyt
ende mi tgebruyc gheen blijdtschap en gheeft.
voorwaer dus is met mi gheleeft,
10[regelnummer]
al wat ic sie dat is mi cleene
bi v, daer al mijnen troost aencleeft,
want ghi sijt al die weerelt alleene.
| |
[pagina 134]
| |
Wat baet mi vriendelicheyt der menschen
ende niemant so vriendelic en is als ghi;
15[regelnummer]
wat baet mi svolcx ionste oft wenschen
ende dijn ionste mi alderbequaemste sy;
Ga naar margenoot+ wat baet dat yemant wilde deelen mi
sijn siele, sijn eere, met lijue, met goede,
ende mi bequamer is verre en by
20[regelnummer]
dminste dropelken van uwen bloede.
ghetrouwelic dus is mi te moede,
lief alderliefste, so lief noyt gheene,
bi v so blijft mijnder sielen hoede
want ghi sijt alle die weerelt alleene.
25[regelnummer]
Dat ghi die werelt alleene sijt
daer stelt mijn herte redene naer,
en seyt dat ghi naer appetijt
sijt een spieghel van vrouwen claer.
ghi greyt mijn herte so wel voorwaer
30[regelnummer]
dat ic so lieuen nye en ghewan
ende ooc so sueten, dats openbaer,
dat ic mi niet versaden en can.
bi desen so mach ic wel segghen dan:
al niet bi v, hoe suet hoe reene;
35[regelnummer]
vruecht bouen vruechden mijn herte v yan,
want ghi sijt al die werelt alleene.
[sluitstuk]
Ga naar margenoot+ Prince
Princesse, al tgeluyt van menschen tongen
is mi cleenen troost in mijnen weene
bi v, tis verloren gheseyt oft ghesongen,
40[regelnummer]
want ghi sijt alle die werelt alleene.
[houtsnede] |
|