Refreinenbundel

[XCVIII] Refreyn

Hebben wi gheen liefde, so ist al niet.

AL waren alle menschen also vroet
In swerlts spoet als Salomon certein,
Scheppende moet als volle vloet,
Rijcke ghegoet als Alexander reyn,
Vol weelden altoos int eertsche pleyn,
Bey groot ende cleyn vol vruechden altijt,
Met neeringe in vreden breet ende wijt,
Alle die iolijt waer cleyn van weerden
⁺ Sonder liefde, want hier opter eerden
Moetmen die anueerden, oft onuolmaect
Bliuen alle dingen, v hier op staect, ^{vs. 11}
Want onghelaect liefde excellent ^{vs. 12}
Es tslot van duechden ter werelt present;
Voorwaer ick kent, alsment al doorwiet,
Hebben wi gheen liefde so ist al niet.

Tot liefden bedwingt ons deerste gebot

Verstaet wel tslot, want Christus almachtich,
Mensche en god, craecte die nodt
Der liefden lodt op deerde warachtich;
De liefde sijns vaders was crachtich
Ende voordachtich tonswaert ghebogen,
Liefde heeft hem aen tcruce ghetogen,
Wie sou dan mogen liefde volprijsen?
Och niemant, dus wilt in reynder ghijsen

+ [f. 138 r°]

vs. 11 v hier op staect: houdt daar aan vast.

vs. 12 onghelaect: onbetwijfelbaar.

[p. 181]

25

Doch liefde bewijsen, want tes een duecht

 

Die bouen al dandere die sin verhuecht,

 

Een volle vruecht, aldus bi desen

 

Segghic dat waer es en tmoet so wesen,

 

Elck macht lesen die scriftuere pliet: ^{vs. 29}

30

Hebben wi gheen liefde, so ist al niet.

 

 

 

⁺ Sonder liefde is elck sonder leuen

 

Want ghegeuen heeft die heere der heeren

 

Int aencleuen sonder sneuen

 

Reyn bescreuen die liefde vol eeren.

35

Die dan doen teghen Christus leeren

 

Hem naect verseeren, dus wilt doch houwen

 

Gods liefde voor al oft tsal v rouwen.

 

Voort wilt aenscouwen sonder cesseren

 

Broederlijck in liefden te glorieren,

40

V broeder tracteren naer uwer macht

 

Als v seluen; wort dit van v volbracht

 

Ghi wort gheacht voor gode seer groot,

 

Dit segghic, maer sijdi van liefden bloot

 

Leuende doot sijdi, want men siet:

45

Hebben wi gheen liefde so ist al niet.

 

 

 

Prince

 

Princelick prince laet in v sincken

 

Sonder mincken gods liefde bouen al,

 

Want int schincken van sulcker drincken

 

So moet crincken onser sonden ghetal. ^{vs. 49}

50

Sonder die liefde ist al misual

 

Want int eertsche dal is cleine ons vruecht,

 

⁺ Cort ongeduerlic, mer vergaerdi duecht

 

So wordi verhuecht hier ende hier naer.

 

Alle duecht spruyt wt gods liefde, dats claer,

55

Ghenen, druck, anxt, noch vaer en can slaken

vs. 29 scriftuere pliet: leest, lezen kan.

+ [f. 138 v°]

vs. 49 crincken: verminderen.

+ [f. 139 r°]

[p. 182]

 

Sijn vruecht die de liefde gods mach smaken

 

Vaet mijn spraken, ick segt telcker stont,

 

Die liefde derft is cranck ende onghesont,

 

Deerlic ghewont, want vaet mijn bediet:

60

Hebben wi gheen liefde so ist al niet.

29. pliet, HA.: doorsiet.