Logo DBNL
Refreinenbundel (1940)

Refreinenbundel

(1940)–Jan van Doesborch–rechtenstatus Auteursrecht onbekend

Vorige Volgende

[CXIX]

Want al dat eertsch is dats verganckelic

Refreyn

 
WAts vremder dan swerelts loop taensien,
 
Wats wonderliker dan der fortunen gauen;
 
+ Den sulcken staet voorspoet te geschien
 
En vanden anderen tgeluck te vlien,
5
Rijck sijnde verkeeren als arme slauen,
 
Arm sijnde en domineren als princen en grauen
 
Werdende vander fortunen vergouwen wijt,
 
Verweruende iuwelen, planteyt van hauen.
 
Die v aldus geuoelt, denct tis nv uwen tijt,
10
Mer sijt sachtmoedich en wilt verflouwen niet
 
En denct, hoe hoger geclommen hoe swaerder val,
 
En siet wat gebiet als ghi groot gehouden sijt, vs. 12
 
Want een hooch gebot maect een groot gescal.
 
Siet wie ghi versmaet tsi groot of smal
15
Als ghi yemant soect leedt te doene,
 
En wacht dat ghi niet en valt bouen al
 
Al schijnt dat ghi vast staet in saysoene, vs. 17
 
Want fortune heeft vreemder wegen van fatsoene.
 
Die best doet sijn werck is meest ontfanckelic,
20
Mer bouen al mint god tsi auont oft noene
 
Want al dat eertsch is dats verganckelic.
 
 
 
Merct Dauid sijnde een herder van scapen
 
Wert coninc van Israhel door sijn diligentie;
 
Een verheffinge quam hem betrapen, vs. 24
25
+ Gheboot te tellen sijn volck, sijn knapen vs. 25
 
Die stonden onder sijn obedientie,
 
Dies most hem naken een harde sentencie
 
Want gods verbolgentheyt op hem sloech:
 
Dier tijt, oorloge oft pestilencie
30
Most hi kiesen, al wast groot ongeuoech.
 
Merct Naaman bi Assuerus groot genoech, vs. 31
 
Om Mardocheum dede hi een galge maken
 
Mer duer fortune die drayt int wach vs. 33
 
Most hi daer seluen die doot an smaken.
35
Vreest dan te gebieden eenige saken
 
Eer ghi bemerct watter na volgen mach,
 
Siet wien ghi versmaet, wilt daer na haken,
 
Niet om den persoon mer om der fortunen beiach,
 
Wantse heden geeft vruecht, morgen beclach.
40
Die vast meent staen, staet dicwil wanckelic
 
Dus bouen al vreest god nacht en dach,
 
Want al dat eertsch is dats verganckelic.
 
 
 
Der fortunen wegen sijn vreemt bouen screuen,
 
Bi haer die vast staende eerst declineerde, vs. 44
45
Exempel an Nabugodonosor beseuen vs. 45
 
Die een coninc was, ontsien, verheuen,
 
+ Die in zijn maiesteyt hem seluen verglorieerde;
 
Hem verheffende in hoocheyt die hi conquestreerde
 
Hoorde hi den voys der plagen clinckende,
50
Dies hem fortune als een koe formeerde
 
En was metten beesten eetende, drinckende.
 
Dus in allen staten sijt hier op dinckende,
 
Laet altijt verstandenisse met v paren,
 
Al is die fortune v voorspoet schinckende
55
Si mach wel dalen in corten iaren,
 
Spiegelt v an desen die in voorspoet waren.
 
Siet wat ghi doet, crijcht een goede fame,
 
Versmaet niemant, wilt mi verclaren
 
Op datmen in uwen val v niet en beschame.
60
Die duechdelic werct hout eenen goeden name,
 
Al valt die fortune tot hemwart cranckelic,
 
Mer god te vresen ist meest bequame
 
Want al dat eertsch is dat is verganckelic.
 
Prince
 
Tis eerlic te hebben hoge dominacie
65
En in als machmen god wel behagen,
 
Dus crijchdi in uwen tijt eenige regnacie
 
Oorboort den tijt om te krijgen gracie
 
+ Van god den heere na mijn ghewagen,
 
Ende wilt v in hoocheyt duechdelic dragen,
70
En gebiet niet met verwaender stemmen,
 
En versmaet ooc niemant wiens vrienden en magen
 
V hier namaels mochten temmen,
 
Want den val is swaerst die hoochste clemmen,
 
. . . . . . . . . . . . . . .
75
Mer tis altoos goed biden schepe swemmen
 
. . . . . . . . . . . . . . .
 
Denct hier an als ghi int possesse staet. vs. 77
 
In alle dingen versoect dijns selfs secreten,
 
Merct dat de fortune meer dan vijf of ses slaet
80
Die hoger dan ghi waren gheseten,
 
Op dat v namaels niet en wert verweten.
 
Doedi wel, dat volck wordet v danckelic
 
Mer tmeeste is god vresen, wilt dat niet vergeten
 
Want al dat eertsch is dats verganckelic.

[twee fleurons]

+ [houtsnede]


Vorige Volgende