Refreinenbundel

[CXXXVI] ^*

Neen, daer me soudi mi heel verleen

Refreyn

EEn proper meysken, een aerdich dierken,
Weert besloten tsijn in een fortchierken, ^{vs. 2}
Wert eens begracijt wt rechter minnen
⁺ Van een frayaert door Venus bestierken.
Si plucte bloemkens in een vergierken,

* Stok. verleen: kwetsen, bederven.

vs. 2 forchierken: ijzeren kistje, hier in 't bijzonder: juweelenkoffertje.

+ [f. 189 v°]

[p. 243]

 

Duer haer schoonheyt verblijden sijn sinnen.

 

Hi verstoute hem en ghinc beghinnen

 

Seggende: schoon lief eest v bequame ^{vs. 8}

 

Ghi sijt die muecht minen druck doen dinnen

10

Die ick door v lijde lief eersame.

 

Si seyde: neen, want niet en betame

 

Dat te doene, dus wilt van hier doch scheen,

 

Laet mi alleen bliuen los van blame,

 

Ic seg neen, tmocht minderen mijn fame,

15

Neen, daer me soudi mi heel verleen.

 

 

 

Neen seg ic noch eens, sprac si, wat meendi,

 

Int versoeck van desen v vercleendi.

 

Daermen niet en wint est te minnen quaet;

 

O Venus godinne, twi verleendi

20

Sulcken schoonheyt, de liefde verbeendi ^{vs. 20}

 

Daer minne droech si int vrouwelic saet. ^{vs. 21}

 

Och lief gheeft confoort troost en raet

 

Hem, die v liefde heeft ionstich geprent

 

Int herte. si sey: neen, tversoeck doch laet,

25

Dus rust v seluen ende sijt content;

 

⁺ Neen es v respons, siet elders ontrent,

 

Van mi en crijchdi troost el ne gheen. ^{vs. 27}

 

Hi seyde: schoon lief sulcken woorden went.

 

Si seyde neen. doen dacht die frayaert ient:

30

Neen, daer me soudi mi heel verleen.

 

 

 

Dees man int herte hebbende pijne

 

Veysde hem eens van huijs te sijne

 

Om sijns wijfs arbeyt aen te scouwen.

 

Daer sach hi comen te dien termijne

35

Eenen man gecleet recht in dien schijne

 

Oft een priester waer, bi mijnder trouwen.

 

Daer ghincmen een seruiet ontvouwen,

 

Men steldender op ghesoden, ghebraden,

 

Si droncken, si sconcken los van rouwen.

vs. 8 eest v bequame: met uw verlof.

vs. 20 verbeendi: hoont gij; vgl. S. IV, 24.

vs. 21 droech: dor, dood. - t vrouwelic saet: de vrouwen.

+ [f. 190 r°]

vs. 27 el ne gheen: geen anderen; de uitdrukking doet wat archaïstisch aan, evenals b.v. de wending van vs. 35/36.

[p. 244]

40

Doe soudmer gaen Venus pack ontladen,

 

Si bedreuen vruecht niet om versaden,

 

Si meenden wel te sijn onder hem tween.

 

Die man en costs niet langer ghestaden, ^{vs. 43}

 

Hi riep al arme sonder ghenaden,

45

Neen, daer me soudi mi heel verleen.

 

 

 

Dese man ghinc wonderlijcke kijuen

 

Seggende: ia soudi dat bedriuen,

 

⁺ Ghi soudt mi verleden geheel en al,

 

Nemmermeer en soumi vruecht verstijuen,

50

Ic mach wel droeflic mijn oogen wrijuen,

 

Nemmermeer ick dit vergheten en sal.

 

Oft ic eens schamelic heb cleyn misual ^{vs. 52}

 

Soudi daer om moeten dus tieren.

 

Ia ick, seyde hi, ick en wils groot noch smal

55

Lijden oft sien in gheender manieren,

 

Ick wedde ick salt anders bestieren,

 

Ghebueret noch eens wi sullen dan scheyen.

 

Si sey neent, ick sal mi bat regieren,

 

Soudi dat doen, ia wat gadi versieren,

60

Neen, daer me soudi mi heel verleyen.

 

 

 

Prince, tes wel een sake redelic

 

Dat een man gram is daer dat gheschiet.

 

Tstuck is verdrietelick niet eedelick,

 

Daert so gaet selden esmer vredelick,

65

Al is de schade cleyn luttel oft niet,

 

Den toren is dmeeste, wiet hoort oft siet

 

Mach seggen, knagende des droefheyts been:

 

Vertierdi uwen cloot dat es verdriet, ^{vs. 68}

 

Neen, daer me soudi mi heel verleen.

⁺ [houtsnede]

vs. 43 ghestaden: doogen, verduren.

+ [f. 190 v°]

vs. 52 heb cleyn misual: een kleinen misstap bega.

vs. 68 vertierdi uwen cloot: eig. verruilt gij uw bal, vandaar: wordt gij ontrouw.

+ [f. 191 r°]