Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Spelen (1920)

Informatie terzijde

Titelpagina van Spelen
Afbeelding van SpelenToon afbeelding van titelpagina van Spelen

  • Verantwoording
  • Inhoudsopgave

Downloads

PDF van tekst (3.29 MB)

Scans (27.63 MB)

XML (1.70 MB)

tekstbestand






Editeurs

J.W. Muller

L. Scharpé



Genre

drama

Subgenre

tafelspel
esbattement


© zie Auteursrecht en gebruiksvoorwaarden.

Spelen

(1920)–Cornelis Everaert–rechtenstatus Auteursrecht onbekend

Vorige Volgende
[pagina 437]
[p. 437]

aant.Spel van Ghemeene Neerrynghe.

[pagina 438]
[p. 438]
Ghemeene Neerrynghe, een vrauwe chierlic ghecleedt als een coopwyf behanghen an huer habyt met dyveerssche halaemen dienende ter neerrynghe der draperye als scietspoelen, caerden ende dier ghelycke.
Sulc Scaemel, als cnape van Ghemeene Neerrynghe gheladen met een besloten meerscorf gheheeten Allen Dynghen.
Elckerlyc, commende als een coopman an hebbende een keerle met een pordeix ghegort, vp thooft eenen priesters capproen gherolt zyn rechter been gheleerst ende ghespoort ende an zyn luchter been een scippers bochs an.
Justicie.
[pagina 439]
[p. 439]
Ga naar margenoot+ Ghemeene Neerrynghe een vrauwe chierlic ghecleedt als een coopwyf behanghen an huer habyt met dyveerssche halaemen dienende ter neerrynghe der draperye als scietspoelen caerden ende dier ghelycke.
 
Waer zytge au cnaepe?
Sulc Scaemel als cnaepe van Ghemeene Neerrynghe gheladen met een besloten meerscorf gheheeten Allen Dynghen.
 
Hier bem jc vrauwe
 
Als dienaere ghetrauwe/ met jonsteghen bethooghe.
Ghemeene
 
Wel knecht hoe staet?
Sulc
 
Al dorre en drooghe
 
Men zoude wel een sulfferpriem/ an my ontsteken.
Ghemeene
5[regelnummer]
Waer of zo claechge?
Sulc
 
Van alle ghebreken.
 
Benaute houdt my jnder zoorghen buetele.Ga naar voetnoot+
Ghemeene
 
Ey maegher aerst.
Sulc
 
Jc segghe jc ruetele
 
Ghelyc een fransyn/ voor tvier ghedroocht.
Ghemeene
 
Sulc Scaemel heift hem somtyts fier ghethoocht.
10[regelnummer]
Maer zynen staet hem nv behaghet smal.
Sulc
 
Bedy alssic sprynghe zo waghet al.
 
Licht Gheladen my daghelicx naer stept.
Ghemeene
 
Jc meene ghy noch jc en weet waer hebt
 
Eeneghe cateylkens alzo jc scicke
Sulc
15[regelnummer]
Jae maer ze zyn bet ghelooft dan jcke.
 
Dies my tghebruuc nv doet bezwyc.
Ghemeene
 
Syt ghy sculdich?Ga naar margenoot+
Sulc
 
Nyement dan Elckerlyc
 
Die van my jn betalynghe/ gheerne naeme bucht.
Ghemeene
 
Hy zalder mede quellen.
Sulc
 
Jc hebbes ducht.
20[regelnummer]
Want tes tonsent zeer wech datter wel stoet.
Ghemeene
 
Hoe dat?
Sulc
 
By hu. Ghy wort so fel vroet
 
Ghemeene Neerrynghe./ Winnynghe noch werck
 
En vyndic an hu dies jc jnt bemerck
 
Daghelicx moet swasdoms verstekenynghe smaecken.
Ghemeene
25[regelnummer]
Sober wasdom doet nauwe rekenynghe maecken.
[pagina 440]
[p. 440]
 
Ghy moest considereren/ met atente ditte.
Sulc
 
Waer lieghet?
Ghemeene
 
Dat jc bachter vente zitte
 
Van allen dynghen by dat jc plochte.
 
Want Elckerlyc die alle dync an my versochte
30[regelnummer]
En begheert nv wullen lynen noch douck.
Sulc
 
Benedicite/ wat hooric?
Ghemeene
 
Cleen versouck
 
Doet Elckerlyc van alle dync twelc my deert.
 
Want alle dync scynt/ met Elckerlyc onweert
 
Dat met hem was/ hier voortyts diere.
35[regelnummer]
Ende hoe jc my/ met allen dynghen verchiere
 
Myn craem en can hem niet bekueren.
Sulc
 
Jc hope ten zal niet langhe ghedueren
 
Dat alle dync van Elckerlyc wort versteken.Ga naar margenoot+
Ghemeene
 
Jae maer Ghemeene Neerrynghe/ lydt ghebreken
40[regelnummer]
Als men by Elckerlyc niet en crycht vtynghe.
 
Want alle dync blyft/ jn myn beslutynghe
 
Dies jc daghelicx moet jnt bemercken quellen.
 
Dus en machic hu niet meer om wercken stellen
 
Maer gheue hu oorlof/ vp dit saysoen ziet.
Sulc
45[regelnummer]
Ghemeene Neerrynghe en wilt dat doen niet.
 
Dat woort maect my jnt herte sneuende.
 
Ghy hebt my zoo langghe ghehouden leuende
 
Mids de ghehuldicheyt van mynen dienste.
Ghemeene
 
Jc zoude hu gheerne zyn de ghevrienste
50[regelnummer]
Mochte vp alle dync proffyt/ naer mynen zin zienen.
Sulc
 
Jc zal hu lieuer eenen pennync min dienen
 
Hoe wel my benaute/ veil ghequels biet.
Ghemeene
 
Al ghaef jc hu werck/ ken hebbe tghelts niet
 
Om hu te betalen/ dies my den zin kyft.
55[regelnummer]
Mids dat my/ alle dynghen jn blyft
 
So en muecht ghy/ by my niet jnt openbaere bremen.
Sulc
 
Jc zal jn betalynghe gheerne waere nemen.
 
Al verliesicker an/ jc zal my doen te verstaene.
 
Tes beter wat doen dan ledich te ghaene.
60[regelnummer]
Tsyn ledeghe dieren die altyts te neste broen.
Ghemeene
 
Vut compassye sallic noch tbeste doen.
 
My deert/ dat jc om proffyt/ hu en weet waer jaeghen.
Sulc
 
Jc zoude
Ghemeene
 
Wat dynghe?Ga naar margenoot+
Sulc
 
Alle dync naer draeghen
[pagina 441]
[p. 441]
 
Elckerlyc daer hy frequenteirt naer zeden
65[regelnummer]
TAndworppen te Berghe/ ofte jn andre steden.
 
Twort beter dan Alle Dync by hu vermoste.
Ghemeene
 
Jae maer twort Sulc Scaemel ten grooten coste.
 
Ooc seghtmen ghemeenelic/ jc darfs me vermeten vry
 
Alsmen thoy tot peerdt draecht/ zo wiltmen dat gheten zy.
70[regelnummer]
Nootwaere scynt Elckerlyc by ghelaete slicht.
Sulc
 
An tverthieren nochtans de baete licht.
 
Doet by raede/ en wilt naer myn woordt spoen
 
Ende laet ons allomme Alle Dync voort doen.
 
Vtynghe es proffyt naer mynen berommene.
75[regelnummer]
Jn versaemynghe pleicht Elckerlyc te commene.
 
Dus moetmen thooch maken voor minste en meeste.
Ghemeene
 
Waer wilge bet dan hier ter feeste?
 
Want veil volcx hem hier jn een versaem echt.Ga naar voetnoot+
Sulc
 
Tes seker best dat ghy hier hu craem recht
80[regelnummer]
Ende Alle Dync voort doet om Elckerlyc.
Ghemeene Neerrynghe helpt Sulc Scaeemel den meerschcorf of met Allen Dynghen daer Sulc Scaemel jn ghaet soucken alle nyeuwicheyt.
Ghemeene
 
Sulc Scaemel rasschelic/ zonder bezwyc
 
Pynt hu subtylicken/ te verclouckene
 
Om alle nyeuwicheyt/ met listen te zouckene
 
Jn Allen Dynghen behaghelic jnt zien
85[regelnummer]
Om Elckerlyc te bekueren by dien.
 
Want nyeuwicheyt es begheerlic jn elcken wycke.
Sulc
 
Trauwen jc zal.
Ghemeene
 
Maer oorboort practycke.
 
Jn allen dynghen spaert cost/ en stoffe.
 
Want men cander quaelicken offe
90[regelnummer]
Van Elckerlyc cryghen de weerde om winnen.
 
Dus stelt tot aerdicheyt al de zinnenGa naar margenoot+
 
Ende voucht hu lichtelic om myn gherieuen.
Sulc
 
Jc zal vulcommen al hu ghelieuen.
 
Want Sulc Scaemel wien benaute nypt
95[regelnummer]
Moet nv danssen alzoo ghy pypt.
 
Om werck te biddene Sulc Scaemel bedocht es.
Ghemeene
 
Schoon voort ghedaen wel half vercocht es.
[pagina 442]
[p. 442]
 
Jc bem ghestoffeirt/ om aerme en rycke.
Sulc
 
Ghemeene Neerrynghe
Ghemeene
 
Wat scuultere?
Sulc
 
Jc zye Elckerlycke.
 
Hy wort by hu/ jn corter tyt coen.
Elckerlyc commende als een coopman an hebbende een keerle met eenen pordeix gheghort vp thooft eenen priesters capproen gherolt zyn rechter been gheleerst ende ghespoort ende an zyn luchter been een scippers bochs an.
 
Elckerlyc die ghelt heift mach nv proffyt doen.
 
Alle dync crycht hy/ te zynder begheerrynghe.
 
Want Sulc Scaemel/ van dyveersscher neerrynghe
 
Heuet nv sober/ naer myn ghevoel
105[regelnummer]
Mids dat hy met Alle Dync/ my vp den stoel
 
Allomme achter volcht/ hier ende daer
 
Daer jc selue plochte te reysene naer
 
Jn allen feesten/ wyt ende zyt.
 
Elckerlyc die ghelt heift doet nv proffyt
110[regelnummer]
Hier gheseyt jnt openbaere
 
Alzo wel an tghelt/ als ande waere.
 
Tproffyt comt my toe/ met dobbelen slaeghe.
 
Cooppic met ghelde jc vercooppe ten daeghe.
 
Machghicker an winnen groot en grof
115[regelnummer]
Jc en maecker gheen consciencie of
 
Wient scaet of hindert/ vp dat jct hebbe.
 
Ghemeene Neerrynghe/ es hier ooc ter crebbe.
 
Alzo my dyncke jc zyese voort staen.
 
Jc wilse subtylic an huer boort ghaen
120[regelnummer]
Ende my ghelaeten als een die tcooppen scuut.
 
Ghemeene Neerrynghe hoe staet?
Ghemeene
 
Als eyers die looppen vut.Ga naar margenoot+
 
Elckerlyc ghy laet my ghaen verloren.
Sulc
 
Dies Sulc Scaemel wort/ zo naer ghescoren
 
Tvel wort hem vanden vleessche ghevilt.
Elckerlyc
125[regelnummer]
Wat hebt ghy om cooppen?
Ghemeene
 
Al datge wilt.
 
Lust hu wat te hebbene hem lichtelic anghaet.
Sulc
 
Elckerlyc beziet wat hu anstaet.
 
Ghemeene Neerrynghe heift van als plentheyt.
Elckerlyc
 
Jc zyer noch lettel/ dat my greyt
[pagina 443]
[p. 443]
130[regelnummer]
Om hiet te cooppene te deser huere.
Ghemeene
 
Ghaet jn Alle Dync/ ende neimpt hu kuere.
 
Ghy vynter van als/ lynen ende wullen.
 
Sulc Scaemel zalhu/ wel te vullen
 
Nyeuwicheyt zoucken tot uwen behaghe.
Sulc
135[regelnummer]
Siet daer een nyeuwe/ ghefronste craeghe
 
Om elckerlyc Vlamync Wale/ ofte juradieus.
Elckerlyc
 
Wat au dats ommers/ seker wat nyeus.
 
Jc wilde wel weten van desen fatsoene
 
Watmer mede/ pleicht te doene.
140[regelnummer]
Twaere goet dat men my tverlanghen stremde.
Ghemeene
 
Om elckerlyc Sulc Scaemel die maer een hemde
 
An te doene heift/ tsy ghefronst of plat.
 
Wanneer et vuul zy of by twasschen nat
 
Sulc een craechsken slooft hy ouer thooft.Ga naar voetnoot+
Elckerlyc
145[regelnummer]
Wats dan?Ga naar margenoot+
Sulc
 
Elckerlyc worter by verdooft.
 
Want al waert dat Sulc Scaemel/ stoude of clemde hietGa naar voetnoot+
 
Elckerlyc et voor/ een gheheel hemde ziet
 
Ghelyc de onderhalscleers vande vrauwen.
Elckerlyc
 
Hoe maekent zy dan met de mauwen?
150[regelnummer]
De aermen moeten dies naect ende bloot staen?
Ghemeene
 
Wat lieue man/ ten es gheen noot waen.
 
Tot al es raet/ dier wel vp ghist.
 
Sulc Scaemel weet/ tot allen dynghen list
 
Met nyeuwicheyt te souckene tsy cout of waerm.
Sulc
155[regelnummer]
Sulcke maukens/ stryctmen anden aerm
 
Daer ouer zweetrocxs/ de vrauwen lyfuekens.
Elckerlyc
 
Die zouden wel dienen dese joncwyfuekens
 
Die de maerdtghanc doen/ als fraye cocxskins
 
Die gheerne reyn ghaen/ al zynt vule mocxskins
160[regelnummer]
Om te bekueren/ deis ouervliegherkins.
 
Tzyn puer bescytterkens.
Ghemeene
 
Et heeten bedriegerkins.
 
Sulc Scaemel zouct meer/ zyt wat te vreden.
Sulc
 
Siet daer een wambays/ van vreimder sneden.
 
Jn allen dynghen zouckic/ eenen nyeuwen ploy.
Elckerlyc
165[regelnummer]
Tdynckeme zynde half moy half roy.Ga naar voetnoot+
 
Et dient hem daer ouervloede/ jnden ban zy.
[pagina 444]
[p. 444]
Ghemeene
 
Sulc Scamel dect aermoede/ daer hy can vry
 
By rocxs met halfue maukens/ ofte een samaerken.Ga naar margenoot+
Elckerlyc
 
Vyndt men sulcke kuerssen?
Sulc
 
Wat een goet jaerkin.
170[regelnummer]
Nyeuwicheyt/ om vrauwe als man jc zoucke.
 
Wat fatsoen dynct hu dat?Ga naar voetnoot+
Elckerlyc
 
Van eenen broucke
 
Onder den coussceppers gheheetten den hau.
Ghemeene
 
Ruetelaers zynde jn Pouers benau
 
Die gheerne braggheren/ hebbende scaers
175[regelnummer]
Die quaelic een paer/ coussens sjaers
 
Cunnen ghecryghen/ hoe zy rommen of blaesen
 
Vermueghense/ altemets een paer baesen
 
Twee jaer of drye/ zynse ghestoffeirt.
Sulc
 
Met sulc een paer/ scoens/ scaers gheleirt
180[regelnummer]
Omden minsten cost zo scieten zy duere.
Elckerlyc
 
Tes cleen bescut tjeghens watre of muere
 
Alsmen onvoorzien tardt/ jnder plasschen ooghe.
Ghemeene
 
Lieue man/ tes al eer drooghe
 
Wat jn sulcke scoen wort/ ghesturt ghegoten
185[regelnummer]
Dan jn andre hooghe/ ende vaste ghesloten.
 
Twaeter blijft er min jn/ zo my den zin somt.
Elckerlyc
 
Hoe zoo?
Sulc
 
Et loopter weder vut/ alzoot der jn comt.
 
Twaere noot wistget al/ ghelyc dese bescickerkins.
 
Wat goeyken es dat?
Ghemeene
 
Twee vrauwenclickerkens.
190[regelnummer]
Wat dynct hu daer of jnt bemerck?Ga naar margenoot+
Elckerlyc
 
Jc en zyer gheen ghebrec andt werck
 
Anders dan datse cort ghehielt zyn.
Sulc
 
Se dienen deis meyskens die gheerne ghesielt zyn
 
Alzo mer vele/ vynt te Brugghe
195[regelnummer]
Om lichtelic te vallen ouer rugghe
 
Als zy de cnechten/ willen ghevoughen.
Ghemeene
 
Sulc Scaemel zouct/ om tghenoughen
 
Van elckerlyc tsy wyf ofte man
 
Jn Allen Dynghen nyeuwicheyt zo hy can
200[regelnummer]
Chierlic ende oncostelic/ om tverthieren.
Sulc
 
Siet daer een mantel vander nyeuwer mannieren.
 
De ployen houden als een peerle stede.
[pagina 445]
[p. 445]
Elckerlyc
 
Wat verloren fatsoen.
Ghemeene
 
Men verspaerter een keerle mede
 
Van zes ellen lakens/ tsy fyn of slicht.
205[regelnummer]
Ze zyn ghemackelic ende om draeghen licht.
 
Sulc Scaemel zouct nyeuwicheyt omde moythede.
Elckerlyc
 
Sulc Scaemel zouct nyeuwicheyt vut beroythede
 
Alsmen vp de waerheyt letten moet.
Sulc
 
Siet daer eenen bonettenhoet.
210[regelnummer]
Tfatsoen comt nyeuwe vut der munte.
Ghemeene
 
Sulc Scaemel zouct jn allen punte
 
Om met nyeuwicheyt te cleedene tsy man of wyf.
Elckerlyc
 
Dat Sulc Scaemel zouct naer hu motyf
 
Dyncket hu nyeuwicheyt? Berecht my doch.
Ghemeene
215[regelnummer]
Wat dyncket hu?Ga naar margenoot+
Elckerlyc
 
Meest deel bedroch
 
Van buten scynende een weerelt om zien
 
Van binnen Pieter Naustoffe by dien
 
Dat men vut spaerichede onthoude
 
Alle dync dat hem wel behouuen zoude.
220[regelnummer]
Sulc Scaemel brynct nyeuwicheyt ongheduerich huut.
Sulc
 
Tscynt dat Elckerlyc alle dync hier truerich scuut
 
Dies Ghemeene Neerrynghe/ zit jnden rauwe.
Elckerlyc
 
Daer Elckerlyc Alle Dync vynt ghetrauwe
 
Daer lecht hy/ den scat meest deel ten coope.
225[regelnummer]
Ende daer hy begheuen ten hoochsten loope
 
Den pennync te zynder avantagen can
 
Daer houdt hy reyngnacie.
Ghemeene
 
So speillic scuvage dan
 
Elders daer jc van Elckerlyc/ worde ghetrocken.
Sulc
 
Waer es Neerrynghe?
Elckerlyc
 
Die es ghaen focken.
230[regelnummer]
Tscynt datse hu jnt vercleenen laet.
Sulc
 
Ey lachen/ nu en weetic gheenen raet.
 
Blyft Neerrynghe van hier de verdreuene
 
Sulc Scaemel en weet waer by te leuene.
 
Huer vertrecken moetic duer tbedwynghen vloucken.
Elckerlyc
235[regelnummer]
Const ghy Oorboor jn Allen Dynghen zoucken
 
Ghy zout Neerrynghe wel cryghen zo jc scatte.
Sulc
 
Oo[r]boor jn Allen Dynghen/ wye goet jaer es datte?
 
Kendicken jc zoude my met hem ghehertich paeren.Ga naar margenoot+
Elckerlyc
 
Kendet ghy noynt Oorboor?
Sulc
 
Neen jc niet jn dertich jaeren.
[pagina 446]
[p. 446]
240[regelnummer]
Wat es Oorboor daer ghy of spreict nu?
Elckerlyc
 
Oorboor jn Allen Dynghen ghebreict hu
 
Soude Neerrynghe by hu ter noot cort zyn.
Sulc
 
Oorboor mach muechelic doot vort zyn
 
Of teeneghaere verloren/ jc moet zyn ontbyndelic.
245[regelnummer]
Hy waere wilt om zoucken.
Elckerlyc
 
Hy es nochtans vyndelic
 
Al acht ghy myn woorden te mespryse.
Sulc
 
Waer mede?
Elckerlyc
 
Met Provyse
 
Zoude men Oorboor vynden/ zonder malicie.
Sulc
 
Met Provysie?
Elckerlyc
 
Jae by Justicie.
250[regelnummer]
Want ten mach nyement jn Allen Dynghen
 
Oorboor doen zoucken ende weder brynghen
 
Dan Justicie. Naest Godt zou heift de macht.
Sulc
 
Sulc Scaemel moet gheholpen worden tes cracht
 
Of anders zo moet hy blyuen tondere
255[regelnummer]
Ten zy dat met Provysie byzondere
 
Neerrynghe hem weder mochte ghebrocht zyn.
Elckerlyc
 
Oorboor moeste jn allen dynghen ghesocht zynGa naar margenoot+
 
Soude Neerrynghe commen jn hueren staet.
Sulc
 
Och Elckerlyc Sulc Scaemel heuet zo quaet.
260[regelnummer]
Waer hy hem keert/ noort/ west/ zuudt/ oost
 
Allomme lettel/ ofte gheenen troost
 
Maer van Elckerlyc/ verjaecht versteken
 
Ghescandalizeirt/ alst es ghebleken
 
Al waert een tyt/ van martierysacie.
Elckerlyc
265[regelnummer]
Sulc Scaemel om te stelpene hu tribulacie
 
Jc en saghe gheen beter jn myn gedachte weit
 
Dan dat ghy Justicie/ selue hu clachte deit.
 
Sou en zal hu om hooren/ niet versmaeden.
Sulc
 
Waert best?
Elckerlyc
 
Ten can niet scaeden.
270[regelnummer]
Jc zout hu raeden/ als de ghevrienste.
Sulc
 
Soudic durren?
Elckerlyc
 
Et wort hu tsienste.
 
Want Justicie met verbonden ooghen blent
 
Gheen vutnemynghe/ van neder noch hooghen kent
 
Maer es ghestelt/ om elckerlyc te verlyckene
275[regelnummer]
Ende omme rechtuaerdelicken/ te hyckene
 
Alle dynghen alzo nauwe als gout.
[pagina 447]
[p. 447]
 
Hier omme zou de scaele/ jn deen handt hout.
 
Dus hu verstout/ vry onghedeert.
 
Al houdse jn dander hand der justicien zweertGa naar margenoot+
280[regelnummer]
Sou zit te rechte/ voor aerm ende ryck man
 
Alzo ghy zien muecht.
Sulc
 
Adieu Elckerlyc dan
 
Tot vp een nyeu.
Elckerlyc
 
Sulc Scamel adieu.
 
Godt laet hu commen/ tot uwen vermetene.
Hier moet Justicie zitten zeer tryomphant met een zweert jnde rechter handt ende een weichbalansken ofte scaelkin jnde luchter handt ende een maecht ghenaemt Provysie neffens huer sittende ofse slieppe.
Sulc
285[regelnummer]
Jc zye Justicie/ de ghesetene.
 
Huer willic reuerentelic vallen te voet.
 
Justicie weist minnelic/ van Sulc Scaemel ghegroet.
 
Jc biddu doch niet vp myn bedryf stoort.
 
My dyncke datse een lettelle styf hoort.
290[regelnummer]
Maer den boom en valt niet ten eersten slaeghe.
 
O Justicie/ anhoort de claeghe
 
Van Sulc Scaemel/ menich een
 
Die duer ghebreck/ met gheween
 
Dickens zyn ghetyde/ moet onverduldich lesen.
Justicie
295[regelnummer]
Wats hu begheerren?
Sulc
 
Wilt doch ghehuldich wesen
 
Sulc Scaemel/ Adams gheboren zaet
 
Die by faute van Neerrynghe verloren ghaet.
 
Justicie wilt doch/ vp zyn deerrynghe ghissen.
 
Want moet Sulc Scaemel/ langhe Neerrynghe missen
300[regelnummer]
So blyft hy jn aermoede/ met drucke duerviert.
Justicie
 
Hoe comt dat hu Neerrynghe faelgiert
 
Jn Allen Dynghen? My dat berecht.
Sulc
 
Om dat Sulc Scaemel/ zo Elckerlyc secht
 
Ten ghelieue van Neerrynghe/ jn allen houckenGa naar margenoot+
305[regelnummer]
Jn allen dynghen heift willen zoucken
 
Nyeuwicheyt tot der tyt van noch
 
Daer Elckerlyc meestdeel/ jn vynt bedroch
 
By dat Elckerlyc seght/ ende zo hy claecht
 
Hier by wort Neerrynghe/ verjaecht
310[regelnummer]
Vut allen dynghen/ wat et zy.
Justicie
 
Sulc Scaemel wilt ghy wytten my
[pagina 448]
[p. 448]
 
Dat van dy/ Neerrynghe es verscuut?
Sulc
 
Neen jc trauwen.
Justicie
 
Hoe comt ghy dus ruut
 
Te murmereren/ als den verstoordere?
Sulc
315[regelnummer]
Och Justicie/ jc en mach niet voordere.
 
Vyndic by hu gheen secours/ jc moet verflauwen.
Justicie
 
Om dat jc ghehoort hebbe/ van hu benauwen
 
Sulc Scaemel/ tot uwer assistencie
 
Zoo hebbic meenynghe/ ende jntencie
320[regelnummer]
Dat men hu helpen zal/ vut slydens bedwanghe.
Sulc
 
Och Justicie/ et beyt zo langhe
 
Dies Sulc Scaemel/ den zin ontvreit.
Justicie
 
Weist pacient wat.
Sulc
 
Waert dat ghy deit
 
Jn Allen Dynghen/ wullen/ lynen ledere
325[regelnummer]
Oorboor zoucken/ dat quaeme wedereGa naar margenoot+
 
Neerrynghe/ jn huer eerste jeucht
 
So Elckerlyc seght/ dat ghy vermuecht
 
Alleene naest Godt/ ende nyement el.
Justicie
 
Sulc Scaemel om te boeten hu ghequel
330[regelnummer]
Berecht my snel/ jn hoedaenegher ghyse
 
Soude men Oorboor zoucken?
Sulc
 
Met Provyse
 
Soudemen Oorboor vynden jn corten tyden.
Justicie
 
Sieter naer an allen zyden.
 
Twaere noot/ datmense by my riepe
335[regelnummer]
Zoude jcse beseghen.
Sulc
 
Tscynt ofse sliepe
 
Alzose by hu/ zit ghestrect.
Justicie
 
Doet zo vele dat ghyse wect
 
Vp dat men Oorboor/ zoucken mach.
Hier moet Sulc Scaemel de mann[i]ere maken om Provysie te weckene.
Sulc
 
Jc sals my pooghen zonder verdrach.
340[regelnummer]
Au Provysie au/ wilt rasch ontsprynghen
 
Vp dat ghy Oorboor/ jn Allen Dynghen
 
Muecht ghaen zoucken/ tes meer dan tyt.
 
Au provysie au/ zonder resspyt
 
Licht hu seluen/ met eenen moe.
345[regelnummer]
Tdynct me verloren moeyte/ wat jc doe
 
Nochtans dat my/ huer hulpe noot waere.
[pagina 449]
[p. 449]
 
Huer leden ligghen/ rechs ofse doot waere.
 
Nochtans heifse aesseme/ binnen den lyfue.
 
Maer wat jc huer doe/ by mynen bedryfue
350[regelnummer]
Ten baet scommelen/ steken noch trecken.Ga naar margenoot+Ga naar voetnoot+
 
Sulc Scaemel/ en can Provysie niet ghewecken
 
Dus en machic my/ van huer niet jnt belouen rommen.
 
Justicie wectse ghy.
Justicie
 
Tes my ondoenelic.
Sulc
 
Hoe dat?
Justicie
 
Et moet van bouen commen
 
Duer de goddelicke/ jnspieracie
355[regelnummer]
Ende ten doe/ zyn ghebenendyde gracie
 
Jc duchte ghy vallen/ jn meer verzycxs sult.
Sulc
 
By wat causen?
Justicie
 
By Elckerlycx scult
 
Die daghelicx/ jn grooten sonden leift
 
Die cleen liefde/ tallen stonden heift
360[regelnummer]
Tot zynen heere/ tot zynen Godt
 
Ende tot zyn heuenmeinsche/ naer tgoddelic ghebodt
 
Maer leuen daghelicx/ jn sulcken ghebaere
 
Als offer noch Godt/ noch wet en waere.
 
Hier by moet alle dynghen/ verdrayt ghaen.
Sulc
365[regelnummer]
Ten es gheen wonder/ al es Godt ontpayt waen
 
Alzoo Elckerlyc jn sonden leift onbehoorlic.
Justicie
 
Ten zy dat Gods/ gramscepe ghestoorlic
 
By Elckerlyc met leedscip/ ende bedynghe
 
Weder ghebrocht wort/ tot payseghe vredyngheGa naar margenoot+
370[regelnummer]
Provisye Sulc Scaemel/ pynt hier vp te rouckene
 
En zal niet rysen/ om Oorboor te zouckene.
 
Aldus Sulc Scaemel/ ten baet rechten noch crommen
 
Elckerlyc moest hem beteren/ zoude Neerrynghe commen.
 
Dits van onser/ meenynghe trechte besluut.
Sulc
375[regelnummer]
Syn hier onverstandele/ van zinnen ruut
 
Die ghemeenelic/ rethorycke vercleenen
 
En versegghet niet anders/ dan wy meenen
 
Zo en wort ghy/ den factuer/ gheen bezwaerdere.
Justicie
 
Deit noot hy zout noch thooghen claerdere
380[regelnummer]
De jntencie der jnvencie/ dies wy hier handelen.
Sulc.
 
Wy gheuent ouer/ den verstandelen
 
Zonderlynghe den cuenync/ die hier machtich es
[pagina 450]
[p. 450]
Justicie
 
Als stedehouder/ van hem die waerachtich es
 
Den derden persoon jn dheleghe Godtheyt.
Sulc
385[regelnummer]
Heer cuenync neimpt danckelic/ ons simpel bodheyt
 
Ende elckerlyc ter feesten/ gheseten hier
Justicie
 
Duer de liefde/ des sHelichs Gheest/ onghemeten vier
 
Jn wiens barnende liefde/ altyts verhit fyn
 
De Drye Santinnen eeuwich/ onbesmit zyn.

†A†M†E†N†

 

Per my so reine verclaert.

margenoot+
f. 321 v.
voetnoot+
buetele] betuele
margenoot+
f. 322 r.
margenoot+
f. 322 v.
margenoot+
f. 323 r.
voetnoot+
versaem] versaen
margenoot+
f. 323 v.
margenoot+
f. 324 r.
voetnoot+
craechsken] craecxsken
margenoot+
f. 324 v.
voetnoot+
stoude] of stoude?
voetnoot+
Tdynckeme] Tdynctkeme
margenoot+
f. 325 r.
voetnoot+
fatsoen] tfatsoen
margenoot+
f. 325 v.
margenoot+
f. 326 r.
margenoot+
f. 326 v.
margenoot+
f. 327 r.
margenoot+
f. 327 v.
margenoot+
f. 328 r.
margenoot+
f. 328 v.
margenoot+
f. 329 r.
voetnoot+
scommelen] of stommelen?
margenoot+
f. 329 v.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken