Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan FruytiersInhoudt van het V. Cap.Ongherechtighen rijckdom, wilt niet begheeren. Staet niet op v sterckte, noch quaet clap en saeijt. T'sondighen op Godts ghenade can deeren. Bewaert v tonghe, met alle winden niet waeijt. | |
[p. 30] | |
+ seer op sijn sterchz sta// seght nz wie mach my hier
+ onder hem maken.
+ Want wrekende wreekt de Heere,
+ Laet v de boosheyt niet becueren,
+ Seght niet ick sondighe seere
En wat sachmen my droefs ghebueren,
+ Die v can verschueren// heeft groot ghewelt,
Al is hy oock lydtsaem eer hy verghelt
Wilt daerom hier na de boosheyt niet spueren.
Al is v sonde onghecastyt
Hoopt daerom niet hier sondt op sonde,
+ Seght niet sulcx Godts ghenade vryt,
Want sy is seer diep van gronde,
Hy ontfermt int ronde// sijn t straft staet stil
Ick sondighe oock hoe dat ick wil,
+ Ick en mach vergaen tot gheenen stonde.
+ Godt can seer haest toornich werden
+ Hoe wel hy oock seer is ghenadich,
Hy straft [die int quaet volherden]
Daeromme sijt ghy sulcx versmadich
En keert v goet dadich// traecht noch vertreckt
Van daghe te daghe, twelckt meer beuleckt,
+ Want als Godts gramschap schielijck coemt, sy is schadich.
+ Waeyt oock niet met alle winden,
Ende gaet niet in alle weghen,
+ Want alsoo salmen hier vinden
+ Den sondaer die hier is gheneghen
+ Tot dubbelheyts pleghen// [seer groote last]
Daeromme staet op Godts paden vast
En blyft by v woordt, laet lueghen versweghen.
| |
[p. 31] | |
Het woordt des vreedts recht waerachtich
Dat volght doch na, hoort dat saechmoedich
Op dat t'verstant sij ghedachtich +
Antwoordt te gheuen oueruloedich +
Wijsheyt, doch voorspoedich, recht antwoordt gheeft
En duer snel ghehoor men veel beseeft, +
Oock goede traech antwoord [werckt niet bloedich.]
Hebt ghy verstant, sticht v naesten,
Maer sijt ghy onwijs plomp van seden
Stopt uwen mont, wilt niet haesten
Schielijck v oordeel te verbreden, +
Op dat ghy deur reden// hier niet en wort
Gheuanghen in dwaesheyt die ghy wt stort,
En van v beschaemtheyt sy gheleden.
Wort lof tuyter noch pluymstrijker,
Maeckt dat u tongh v niet beschame
Vuer den dief en ruynwijker +
En de twee-tongighe hanght blame,
Het bringht quade fame, twerckt oock haet, +
Flatteerdes sijn bouen al seer quaet
En acht dit niet slecht, soo leeft ghy bequame.
|
|
