Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan Fruytiers[p. 36] | |
Inhoudt van het VII. Cap.In t'srechters ampt wilt v seluen niet indringhen, Maect geen oproer, leugen sy van v niet bedocht: Bidt, twyfelt niet, weynich woorden wilt voortbringen Leert de ieucht, van v sy een vroom wijf ghesocht. | |
Het XIIII. Liedeken, op de vvijse: Om een alderliefste myn, oft Myn siele ghebenedyt den Heere, Psal. 102.
+ En doet geen quaet soo en geschiet// v wederomme geen quaet
Hout v van onrecht als dan vliet, het ongeluc metter daet
In d'ackers wilt niet saeyen// Daer onrecht
hier inne wast// Soo sult ghy seuen vout niet
maeyen// T'quaet twelckt de siel bringh in last.
+ Dringht v niet in het ampt voor Godt,
En staet oock niet na ghewelt,
Oft om te hebben groot ghebodt,
En hooghe te sijn ghestelt,
+ Laet v niet duncken mede
Dat ghy voor Godt sijt gheschiet,
Seght oock niet ick heb wijshede,
[Maer veel eer voor sulcx verschrict.]
| |
[p. 37] | |
Soect niet op dat ghy wert gheacht +
Een rechter al hier te sijn,
Ten sy dat ghy met uwe cracht
D'onrecht cont breken fijn:
Want onrecht machmen in allen
Te rechte bringhen niet,
En laet ghy trecht dan vallen
Schade men dan op v siet.
Recht gheen oproer aen inder stadt, +
Aenhanght oock niet alle man,
Sulcx heeft oyt dubbel schult ghehadt
Men wort ghestraft daer van,
Dinct oock niet Godt sal aenmercken
Mijn offer seer groot daer veur
En nemen dat voor boose wercken,
En daer mede ga ick deur.
Wanneer ghy hier oock bidden sult, +
En twijfelt niet aent ghebet,
Oock hier den aermen toch vervult
Met spijs, ende hem dranck voorset, +
Bespot niet den bedroefden: +
Want daer is een die verneert +
En oock verhoocht: [diet daer proefden] +
Weten wat hy hier hanteert. +
En dicht gheen leughen hier terstont +
Teghen v broeder oft vrient,
Tot lieghen went niet uwen mont:
Want sulcx v tot schade dient,
By oude sijt niet clapachtich, +
En als ghy aenbidt den Heer, +
Maect niet veel woorden, sijt neerslachtich, +
Maer spreect inder herten meer.
Wordt v twerck suer, oft neringhe,
Dit v niet verdrieten moet:
Sulcx schiep Godt tot verteringhe,
Vliet oock den hoop die quaet doet, +
Ghedinct dat straffe coemt bestormen, +
Daerom elck bidt ende waeck. +
| |
[p. 38] | |
|
