Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan FruytiersInhoudt van het IX. Cap.Syt niet ialours ende myt hoerderye, Oude vrienden laet syn waerghenomen Den godtloosen, en syn eer set op sye, Ende houdt hier gheselschap met den vromen. | |
Het XVII. Liedeken, opde vvijse: Ick vvil my gaen verheughen.
+ Ouer een vrome vrouwe, wilt nz ialoers hier sijn }
Want d'opsicht en wantrouwe, en werct nz soets maer pijn } tot geen termijn,
+ geeft haer ooc macht te seere// op dat nz daer deur en wert v heere.
Siet oock dat ghy v mijt
+ Van des boelerssen saet,
Soo valt ghy niet subijt
Al in heur stricken quaet,
+ Schuut vroech en laet
De sanghersse met twiste,
Op dat sy v niet vangh met haren liste.
En siet niet na de maechden,
Op dat ghy niet ontsteect:
+ Hoeren die weynich vraechden
+ Na eer, niet aen en spreect:
+ Soo en onbreect
V goet niet: vliet oock t'vloecken]
Deursoect oock niet int stadt alle de hoecken.
| |
[p. 43] | |
Van schoonen vrouwen went +
Altijt hier v aensicht, +
T'ghedaente hueps en ient +
Verdwaest ende onsticht,
Weest niet soo licht
Dat ghy volght haer maniere: +
Want boosen lust, onsteect als twerck van viere.
Sijt by gheens anders wijf,
Want sulcx is hier strafbaer,
Noch met vrolijck bedrijf, +
Omhelst noch brast met haer, +
Op dat ghy daer
Niet aenhanght deur t'beminnen, +
En dat sy hier alsoo verdwaes v sinnen.
Hebt ghy een vrient verspiet
Die out is, trouw, en goet, +
En gheeft hem ouer nier: +
Want aen t'gheen dat ghy doet
Sijt ghy niet vroet
Wat dat ghy sult verweruen,
Hy mocht sulcx sijn hy waer een schaedlijck deruen.
Nieu vrient is nieuwen wijn,
Die oudt sijnde wel smaect
Des godtloosen fenijn,
Die daer in eeren blaect
Altijt hier laect +
Hem, en sijn valsche temen, +
Want ghy weet niet wat eynde hy sal nemen. +
Verborght v voor den ghenen
Die macht te dooden heeft,
Coemt ghy by hem, gaet henen,
V niet te bloot en gheeft,
Op dat ghy leeft
En niet en wordt begrepen:
Want spies en sweerdt is voor v scherp gheslepen,
Met alder neerstichede,
V naesten kennen leert,
Behoeft ghy hier raet mede,
Soect en tot wijse keert,
Gods lof vermeert, +
Bemint sijn woordt tis crachtich, +
Gheselschap houdt met den vromen eendrachtich.
|
