Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan Fruytiers[p. 141] | |
 sijn ghebet dat bringht hem ruste// Twelck op tot in +
den hemel stijght.
T ghebet ghesproken hier al in cleynde +
Dringht door de wolcken dicht,
Ten laet niet af ten neemt gheen eynde, +
Tot dat het coemt in Godts ghesicht. +
Dan en sal Godt die Heer oock niet vertrecken
Recht oordeel teghens weerparty,
Sijn straffe sal hy dan ondecken +
En den bedruckten hier staen by.
Tot dat hy hier onstucken heeft gheslaghen +
De lendenen boos ende hert
Van onbarmhertighe die t'volck hier plaghen,
Twelck door sijn hant ghewroken wert.
Hy salse al te zamen hier wtroyen
Die hier den ermen doen te cort,
De onrechtuaerdighe sal hy verstroyen,
Sy sullen worden onghestort.
Hy gheeft een ieghelijck hier na sijn wercken, +
Nae verdienst loont sijn maiesteyt,
Hy wreect, verhuecht alsmen mach mercken
Met sijn seer groote barmherticheyt. +
Ghelijck hier coemt t'rechter tijt reghen
Als haer de droochte spreyt wijt,
Soo wort barmherticheyt oock hier ghecreghen
In noot en ter rechter tijt.
|
