Het lieffelyck orgel-pypken
(1664)–J. G.–
Auteursrechtvrij
[pagina 60]
| |
Om vlijtigh gaen te dienen Elisabet haer nicht,
Die in haer oude daghen
Ses maenden hadt ghedraghen,
Maer soo sy daer is komen, siet wat hier is gheschiet,
Ioannes wirdt ghesuyvert van die erf-sonde siet.
2. O over-soeten Iesus hoe hebt ghy ons bemint,
Zijnde noch niet gheboren den vyandt ghy verwint,
Gy maeckt Ioannes heyligh en oock soo wonder groot
Dat hy u sal beminnen ghedurigh totter doot,
Ioannes weerdt ghepresen,
V danckbaer hier wilt wesen,
In't lichaem van sijn moeder soo keerden hy hem om
Het schijnt hy sijnen Heere wilt heeten willekom,
3. Elisabet vol vreughden die riep oock met playsier
Ghebenedijdt zijt ghy boven alle vrouwen hier,
| |
[pagina 61]
| |
En oock de soete vrucht die ghy in u lichaem draeght,
Want soo ghy lieve moeder my enckelijck aensaeght,
Mijn kindt spronck op van vreughden,
En leerden alle deughden
Van uwen lieven Sone die onsen meester is,
En die komt inde wereldt brenghen vergiffenis.
4. Maria heeft dees woorden bewaert met vrolijckheydt.
In 't diepste van haer herte in diep ootmoedigheydt;
Sy sprack met luyder stemmen, mijn ziel maeckt groot den Heer,
En mijnen geest verheught hem, o Salighmaker! seer
In u verheventheden,
O grooten Godt vol vreden,
Want ghy d'ootmoedigheydt uwer Dienst-maeght hebt aensien,
| |
[pagina 62]
| |
Waer over ick u groot maken sal voor alle lien.
5 Princersse weert gepresen, Maria ons aenveerdt,
En schenckt toch onse zielen aen uwen Sone weerdt,
Dat hy daer uyt wilt jaghen die sonden met ghewelt,
Want hy is't die den Satan hier heeft ter neer gevelt,
Dat hy ons wilt verstercken,
Om deughden uyt te wercken,
Want hy is onsen David en onsen grootsten schat,
Hy is't die moet verwinnen den boosen Goliat.
|
|