Den gheestelijcken echo

[p. 116]

De Siel wordt van Iesus met glorie ghecroont.

Op de Wijse: La bergue masque. (ofte) Nachtegaeltjen.

1. COmt vriendinne, bruydt vol minne,
Comt ghy zijt ghebenedijdt,
Inden vrede, die u heden
Wordt voor eeuwigh toegheseydt:
Comt mijn schoone, 'k sal u croonen
Met glorie, eer ende vreught,
Want g'in u leven, u hebt begheven
Met al u crachten tot de deught.

2. Eeuwighe welden, tot verghelden

van een ooghenblicksche smert,
Puer verblijden, sonder lijden,
U tot loon gheschoncken wert,
Vreught en ghenuchten, sonder suchten,
Sonder bitterheydt noch pijn,
Langh ghenieten, gheen verdrieten
In het wesen, niet in schijn.

[p. 117]

 

3. Gheen nacht-gheesten, noch tempeesten,

 

Gheen verlies noch teghenspoet,

 

Gheen bestrijden noch benijden,

 

Eeuwigh leeft g'hier wel-ghemoet,

 

Dit claer schynen, en sal noyt verdwynen,

 

Nu noch inder eeuwigheyt,

 

Maer bevonden, en verslonden

 

In mijn hooghste Majesteyt.