Archives ou correspondance inédite de la maison d'Orange-Nassau (première série). Tome I 1552-1565

Lettre XCIII^a.
Bordey au Cardinal de Granvelle. On ne croit plus à son retour (MS. B. GR. XIV. p. 44).

...Les gageures que le Cardinal ne reviendroit pas dans peu de mois estant esté gaignées par telles gens ont imprimé une opinion à ceulx quil ne regardent que ce qu'ilz voyent, qu'i pensent perfaictement que sa Seigneurie soit déchassée, ou au moings qu'elle n'osera jamais retourner, et, combien que nous aultres sachions bien le contraire, si esse que cela nous attriste extrêmement; car par tel bruict s'engendrera une maulvaise opinion à la longue entre ung peuple quil tousjours se laisse en proye et adhère au bruict quil court; oultre que les amys, qui aujourd'huy sont rares, ne fauldront de s'accommoder au temps et petit à petit à deffaillir. Si ce n'est le Président, il n'y a personne d'authorité quil oseroit lever la teste, quant bien l'on vouldroit machiner aulcune chose sinistre

[p. 301]

⁺contre sa S.i., encoires ne sçay-je si l'oseroit faire, ou bien, le faisant, si l'on feroit quelque chose pour luy. De son Alt., sans point de doubte, si elle change, elle seroit ingratte, mais que pourroit-elle faire, femme seule comme elle est, contre ces Seigneurs, sinon de ce joindre à eulx et croire ce qu'ilz persuadent et faire ce qu'ilz voudront?.... Bruxelles, 8 sept.

+ 1564. Septembre.