Archives ou correspondance inédite de la maison d'Orange-Nassau (première série). Tome I 1552-1565
(1841)–G. Groen van Prinsterer–
Auteursrechtvrij
[pagina 418]
| |
Ga naar margenoot+ou vii gran cerfs et en primes que deus..... Pour venir à respondre à vostre lettre, je trouverois bien nécessaire que, par vostre présence, Madame nostre mère et mes frères fussent bien informés combien qu'il nous amporte le faict de mon frère le Conte Henri, affin qu'ilx y volussent prendre une telle considération, que l'on sceusse ung fois une totale fin, pour ceGa naar voetnoot1 point rompre la teste en vain; d'aultre part aussi vous sçavés comme je suis astheure seul issi, de sorte que je désirerois bien vostre présence pour plusieurs choses trop longues à escrire, et voi bien que avés bien des affaires de l'aultre costé aussi, de sorte que ne sçay que dire, sinon qu'il me samble que si vostre absence ne seroit plus que xv jours, que porriés faire ung tour en ce temps à Dillenbourg, mais si ce debvroit estre pour ung mois, aimerois mieulx que leur mandissiés le tout par escrit et voir la responce qu'ilx vous donneriont. Elle porra ester telle que porriés remestre vostre allée par delà pour ung aultre fois, attendant que aurions mis quelque ordre à nos affaires issi; néamoings le remés à vous d'en faire comme vous semblerat le melieur... Monsr de Bréderode m'at escript comme Monsr le Duc de Clèves viendrat à Vianen, me priant m'y voloir trouver. Je luy ay rescrit que, sassant le jour préfix, que je me trouveray. Je vauldrois bien que fuissiés là aussi, mais il fauldroit avoir cinq ou six corsGa naar voetnoot2 pour les amvoier l'ung deçà et l'aultre de là.... De Brusselles, ce xxii d'aust Ao 1565. Vostre bien bon frère à vous faire service, Guillaume de Nassau. A Monsr le Conte Louys de Nassau, mon bon frère. |
|