Archives ou correspondance inédite de la maison d'Orange-Nassau (première série). Tome II 1566

Lettre CLXXXIII.
[De Colloguren] à B. de Malberg. Sur le refroidissement des Confédérés dans le Luxembourg.

*_** De Colloguren nous est inconnu. - L'influence du Comte de Mansfeldt, Gouverneur du Luxembourg, avoit fait beaucoup de tort à la Confédération dans ces quartiers. Voyez la lettre 163.

Monseigneur, j'ay receu vos lettres et suis esté fort joyeulx des bonnes nouvelles et de l'advancement du Règne de Dieu et de son sainct Evangille, et aussy fort maris de ce que n'ay peu aller auprès de vostre S^rie. Pour nouvelle je vous advertis que pendent nostre voyage de S.^t Tron nostre Pharaon ou nostre Pillate d'Ivoix at estez vers la personne de monseigneur de Mansfeldt et a faict des certaine acusations contre moy, lesquelles je n'ay peu encor toutes découvrir, toustesfois le dit S.^r scait bien que je suis estez au dit lieu avec vostre S^rie et vous doit

[p. 210]

⁺avoir apellé le grand capitaine; il scait bien aussy que nous y avons porté des armes deffencive. Je n'ay point encor parlé à luy, mais j'espère y parler avant que partir. Le Conte Charle avec tout les aultres d'alantour de Luxembourg sont fort reffroidy et font courir le bruit que l'inquisition et les placart nous sont osté, ce qui est contre vérité. D'avantage ils osent bien dire que mons.^r de Bréderode donne fort le lieu et la vogue aux anabaptistes, et osent aussy bien dire qu'il l'est luy mesme avec le bon Conte Loudvic; chose certe qui me desplaict tant, que je meurerois bien tost sy il me failloit longuement souffrir telles injures. J'ay entendu que mons.^r de Mansfeldt ne veult plus souffrir que j'aille en nulle assemblé, craignant qu'il n'ait affaire de moy pendant le temps que je pouldrois aller ou estre aux assemblé et me le fit hier dire par son filz: il m'at faict dire aussy par son dit filz, qu'il n'avoit donné point de charge au prévost d'Ivoix de faire aulcune enqueste contre moy, mais je ne me veulx tenir en cela, car je veulx parler à luy et luy dire ce que je porte en mon coeur. Le dit Pharao at envoyé quérir nostre curez pour scavoir quelque chose de moy et encor de quelque de mes bourgois, mais je scaurais¹ la vérité ou je ferey du mal au dit prestre incontinent mon retour. Il m'at dit, quand je luy ay demandé pourquoy il fasoit enqueste contre moy, que c'estoyt par ordonnance de mon dit S.^r de Mansfeldt, et pour tant me fault scavoir sy le dit S.^r luy a donnez ceste charge. Je ne fauldray incontinent mon retour vous aller trouver. Je vous asseure sur mon honeur ne fut estez que le dit Pharao avec ses satellites, mes adversaires, eussent pen dire que c'est par leur moyen, j'eusse

+ 1566. Août.

1 saurai.

[p. 211]

⁺prins congé de la compagnie,⁽¹⁾ mais j'attendray encor de le demander; tousjours sy on at affaire de moy, je m'en yray bien sans congé, et je jure en présence de Dieu que je ne feray jamais faulx bond tant que je me pouldrays soustenir. Qui sera la fin, où après vous avoir présenté mes plus que cordialle et affectionné rescommandation, je prie le souverain S.^r Dieu, Créateur de toutes choses, qu'i vous donne ce que plus desiré. De Laigle près de Trèves ce xiii.^e d'aoust 1566.

Par vostre très humble et obéissant serviteur,

[De Colloguren.]

A Monseigneur Monsieur le Baron de Malbergh mon bon S.^r et amys où il soit.

+ 1566. Août.

(1) Compagnie. Apparemment il faut entendre la compagnie d'ordonnance du Comte de Mansfeldt.