Archives ou correspondance inédite de la maison d'Orange-Nassau (première série). Tome III 1567-1572

Lettre CCCXXIII.
Le Comte de Hoogstraten au Prince d'Orange. Sur les préparatifs du Duc d'Albe.

Monseur, affin que puissiez employer sans ultérieur délay, en cas qu'i vous plaist, les platines¹ que scaurez, je vous envoye ycy joinct, les tittres de 2 gentilzhommes quy ont bien bon moyen, et s'oeuffre Monseur de Langeracq de faire en leur endroictz touz bons offices, sy vous plaist l'entremettre. Tilman Brun et son compaignon sont à Andernacq avecque envyron 10000 florins de collecte qu'yz ont lefvez; sy fuissiez servy, veu que noz monstres sont passées, les faire distribuer entre les gens de peidt et aux capitaines des chevaulx légiers, pour mieulz remplir leur cornettes, le teindroy pour une bonne oeuvre et revenante à vostre service; aussy me poldroy rembourzer de quelque somme des deniers qu'ay advanché, et dont ay en bonne foy de besoing.

1 pl. d'arme à feu; la pièce à laquelle sont attachées toutes celles qui servent au ressort.

[p. 290]

⁺Le rapport qu'ay est que le Ducq d'Alve distribue forche vivres au long de la Meuze et qu'il a faict faire des instruments de bois, fer et cordes pour empeischer le passaige et qu'il at 4 compaignies d'ordonnanche avecq soy joinctes, entre lesquelles est celle de feu Monseur d'Egmont: on luy at ammené 29 peiches de artillerie, et en at jacque¹ 4 hors de fortyquement, appartenantes au Gouverneur du lieu, dont il est bein faisché. L'on at revisité Limbourgh, et l'on y reparfondit les fossés. J'ay permis à touz les marchanz qu'avoy arresté, de passer oultre à l'occasion qu'y m'ont donné souffisant cognoissance et obligation de réparation du domaige que poldriont souffrir par leur partement, en cas que luy eut fausseté en leur faict, comme vous monstray quandt y vous plaisrast.... De Hettigh, ce 2^e de 7^bre 1568.

Vostre plus obéyssant prest à vous faire humble service,

Anthoine de Lalaing.

A Monsieur Monsieur le Prince d'Oranges etc.

Le 4 septembre le Prince écrit de Mysenheim² au Comte: ‘Ayant hier faict visiter les six batteaulx estans arrestez en vostre quartier, et n'y ayant esté trouvé chose d'importance, ains seulement marchandise la plus part des bourgeois de Couloingne et aultres marchans là entour; vous en ay bien voullu faire ce mot, affin que veullez donner ordre que au plus tost que faire se peult, ilz puissent librement passer, sans leur laisser donner aucun ultérieur empêchement, pour éviter les doléances et plainctes qui aultrement en temps advenir se pourroyent faire.’
Peu de semaines après, au passage de la rivière de Gééte, le

+ 1568. Septembre.

1 chaque.

2 Miesenheim, village non loin du Rhin, près d'Andernach.

[p. 291]

⁺Comte de Hoogstraten fnt mortellement blessé. D'autres disent que ce fut plus tard, le 11 déc. par un accident avec une arme à feu. ‘Hy is een seer kloeck en vroom Heer geweest, en seer verstandig: de Prince van Orangien is seer bedroefd geweest om syne dood.’ Bor, I. 757.

+ 1568. Septembre.