Archives ou correspondance inédite de la maison d'Orange-Nassau (première série). Tome III 1567-1572

[p. 453]

Lettre CCCLXXII.
George du Bois⁽¹⁾ à Hugues de Haynault. Nouvelles diverses.

⁺*_** Les soupcons contre Tseraerts le forcèrent bientòt à se démettre lui-mème du gouvernement. Il ne méritoit pas cette défiance: le Prince d'Orange continua à le considérer et à l'employer comme un fidèle serviteur. La violence avec laquelle il s'étoit, à ter Veere, opposé au bris des images, commencé par ses soldats, avoit sans doute contribué à le rendre suspect: Bor, 393^a.

Laus Deo, en Anvers, ce 29 de juin.

Très chier et bon amy,..... Quant à nouvelles, il semble que le pays soit par tout en troubles, et se révoltent les villes de Hollandel'une devant, l'aultre après, de sorte qu'on ne scait ce qu'il adviendra de ses commotions qui sont sur piedt. La ville de Dort ha pareillement recheut des gens du costé des gueulx, pareillement on dict que les dicts gueulx sont aussi en Gorcum, oultre à Enchuyse, Horne, Alcmar, Gouwe et aultres petites villes, quy tiennent de leur costé et ont recheut garnison. Y ha eult devant la ville d'Amsterdam quelques navires de ceulx d'Enchuyse, que ha esté cause que les bourgeois en la dicte ville d'Amsterdam ont esté en dissention les ung contre les aultres, mais à cause que les magistrats sont sy bons catholiques, les dicts geulx n'y ont faict aultre que emmené avecque eulx 3 navires de guerre du dict Amsterdam; on ne scait, s'ilz y retournent, ce que feront davantaige. Sur Vlissinghen y ha eut une bonne entreprinse, mais est faillye; ne scay comment, car on

(1) G. du Bois. Inconnu.

+ 1572. Juin.

[p. 454]

⁺tenoit le Capitaine Tseraerts de nostre party par quelques communications eult avecque son frère, toutesfois ne scavons bonnement à quoy il ha tenu quelle n'ha esté prinse, d'aultant que Mons^r de Beauvois estoit sorty de Middelborch avec bonne compagnie de gens, et ont escarmouché bien fort, à la fin ne ont faict oultre que demeuré à Souborch, entre Vlissinghen et Middelborch, ayant faict retirer les geulx du dict lieu, dont, à ce que entendons, ceulx du dict Vlissinghen ont incontinent prins suspition sur le dit Tseraerds, d'aultant que quant luy ont mandé pour avoir de la pouldre, il en envoyet bien peu; puis quelques aultres occasions, que ne scais quelles, ont esté cause de garboilles et dissentions en dicte ville, mais on dict que le tout seroit raccoustré. Nous voyons le pays aller du tout en ruine, partant n'y ha apparence que le marchant y puisse plus faire prouffict, dont n'y ha meilleur moyen que de retirer partout ses debtes sy avant.

Au S^r Hughe de Haynault, marchant, demeurant à Aeth. Payés le porteur.

+ 1572. Juin.