Archives ou correspondance inédite de la maison d'Orange-Nassau (première série). Tome III 1567-1572

*⁽¹⁾ Lettre CCCLXXVII.
Le Prince d'Orange au Comte Louis de Nassau. Il lui détaille la composition de son armée.

Monseur mon frère. J'ay esté bien joieux d'entendre

(1) * N'ayant pu réussir à trouver l'original, nous donnons cette Lettre, qui très probablement étoit signée par le Prince, d'après une copie du 18^e siècle, en plusieurs endroits très fautive.

[p. 465]

⁺de voz nouvelle par le présent porteur, et prye Dieu qu'il veulle continuer Sa faveur envers vous, pour vous préserver contre les embûches des ennemis, desquelles je vous prie aussi vous voulloir garder le plus que polrez, d'aultant que tenons assez qu'il n'y aura practicque tant sinistre ne trahison sy meschante, lesquelle il n'essaient en oeuvre là où il en auront la puissance, pour vous surprendre et attrapper; et mesmes je suis adverty que les marchans Italiens font grande gain, car à Anvers [l'on dit] que le Duc d'Alve vous aura de bref entre ses mains soit vif ou mort; mais l'Eternel, qui est nostre garant et protecteur, se mocquera de leur desseins et les fera tresbusser en la fosse qu'il ont cavé¹. Touchant de mes nouvelles, j'espère, avec l'aide de Dieu, passer aujourdhuy le Rin, aians mes gens au pays de Meurs pour choisir la plasse monstre entour la [pogdie] et Gueldre. J'ay pourtant donné le meilleur ordre qu'il m'a esté possible pour estre furny d'argent, et espèr que Dieu y donnera Sa bénédiction. Au reste les affaire se portent bien. Je vous envoye icy joincte la liste de mes gens de guerre, oultre lesquels le Comte Joes de Schawnbourg⁽¹⁾ lequel desjà avoit prins son serment à l'évesque de Couloingne pour le Duc d'Alve, s'est tourné de mon costé estant content de moy servir. J'espère encoire aujourdhuy traiter avec luy, pour lequelle affaire je l'ay mandé vers moy. Presque tout la Hollande est déclaré de nostre costé. Dordrech a receu

+ 1572. Juillet.

1 crcusée.

(1) Schawnbourg. Le Comte J. de Schauenbourg fut nommé par le Prince Gouverneur de Frise et de Groningue.

[p. 466]

⁺nostre garnison et en ay donné la charge à Monsieur de Bouxtel de s'y mestre dedans. Tergault a aussy ensuivy leur exemple, comme a faict Gorcum, et de Louvestain a esté pris des nostre par force. Le viel Turcq qui estoit sur le château, quy estoit sur le dit château de Gorcum, est demeurez prisonnier, comme pareillement est Quarbe¹ à Dordrech et le pensionnaire Carnet. Hyer ay eut nouvelle que Schonhove se soit aussy rangée de nostre costé, pour lequel effect j'ay envoyé commission, tellement que espère que ce bon Dieu, qui a commencez, parachévera Son oeuvre jusques à la fin. J'ay aussy bonne espoir de la ville de Venlo, leur aiant escrit pour ceste effect. Au reste le présent porteur vous dira quelque choses de ma part d'un certain homme dont sommes en quelque soupson, vous priant d'y adviser et me mander ce que en estimez, et pareillement ce que tenés de son maistre; Anthoinne Olivier le cognoistra. Je vous prye aussy me mander bien souvent de voz nouvelle, et bien particulièrement quelle force vous avez en la ville, quelle secours et renforce vous atendez ou avez receu, ou quelle embusse on vous dresse; bref tout ce quy se passe par delà, affin que selon cela je me puis reigler de ce costé icy pour y donner l'ordre requis. Quy sera l'endroit où m'estant recommandé de bien bon coeur à vostre bonne grâce, priray Dieu vous donner, Monsieur mon frère, la sienne saincte. Escrit à Venlo⁽¹⁾, prest pour partir plus oultre, ce 8 de juillet 1572.

Vostre bien bon frère prest à vous faire service,

Guillaume de Nassau.

+ 1572. Juillet.

1 de Quarebbe.

(1) Venlo. Ici ou à ligne 13 il doit y avoir erreur de nom.

[p. 467]

⁺Je vous prie vouloirprésenter mon service à tous les seigneurs et gentilhommes estans près de vous.

+ 1572. Juillet.

La liste des gens de guerre sans y comprendre Contes, Barons et aultre de bonne volonté.

Jehan Berninckhusen, Couronnelle des Reistremestre et suivant:

Godert Wolmerickhousen	400.
Louys Rumpff	300.
Albert de Lo	300.
Jasques de Furstenbergue	400.
Le Couronnelle Ernst van Mandesloo	2500.
Le Conte Jann van Schouvenburc	600.
	_____
	4500.

	Colonels de l'infanterie.
Sans les volontairs.	Messieurs le Conte Hanry de Nassau	15 enseignes.
Sans les volontairs.	Le Conte Guillaume van de Bergue	15 enseignes.
		_____
		4500
Sans les volontairs.	Monsieur de Reume	10 enseignes.
		_____
		3 mille testes.
Sans les volontairs.	Hanse van Collen 5 enseignes 15 testes.

Somma des piétons, 13 mille cincq cens, sans les volontairs.

Aultre Reistremestre n'aiant point de Couronelle.
Wolfgart Gabe	400.
Jost van Remen	300.
Herman van Calenberg	300.
Albert de Gueldre	300.

[p. 468]

⁺

Wolf Daffetin^1	300.
Hamer Ordies	300.
Balduin de Dopendallen	300.
Dedrick de Hart	300.
De Nieuenhoume^2	300.
Et puis les Gentilhomes de Pays-Bas dont je pense faire une cornette de	300.
	_____
	3100.

+ 1572. Juillet.

1 d'Affestein (?).

2 Nycnheim (?).