Archives ou correspondance inédite de la maison d'Orange-Nassau (première série). Tome IV 1572-1574

† Lettre CDLIV.
Louis de Boysot au Prince d'Orange. Sur la prise de Reimerswael.

*_** L. de Boysot Gentilhomme Bruxellois (voyez Tom. II. p. 60). avoit échappé non sans peine au massacre de la St. Barthélemy. ‘Hy was in de Massacre van Parys gevanghen geleyt, daer langhe gelegen hebbende, geraeckte door eenige Monnikken tot verlos-

[p. 253]

⁺singe.’ V. Meteren, 82_c. Après la mort de Bouwen Ewoutsz. il étoit devenu Amiral de Zélande; on lui devoit la prise de Rammekens. Son frère Charles étoit Gouverneur de Flessingue.

Monseigneur.

Ayant hier, selon que ce mesme jour avois escript à vostre Excell_c^e, faict aultrefois semondys¹ par Mons^r de Neufvilles les ennemis qu'estoyent dedens Romerswaele, sommes à la parfin, après plusieurs altercations, venuz à composer suivant les article icy joinctz: l'occasion qu'on leur a faict ung party tant honorable, furent les advertissement que je eulx des desseings des ennemys, lesquels avoyent troys enseignes de pionniers à Ter Tolen, tant pour fortifier le dit lieu, que pour faire ung boulwert à Venusdam, quel êst à l'opposite de Romerswale et ung fort à l'opposite van het Lodycksegat², que est ung passage bien estroit pour les navires. Aussy estois certainement adverty que l'ennemy tâcheroit par tous moyens possibles de les secourrir, et par les bourgeois mesmes scavois qu'ilz n'auroyent si tost faulte de vivres, et n'y avoit ordre de les avoyr par assault sans grande perte de noz gens, ce que eust mis la peur au ventre de noz soldatz et matelotz, principallement s'ilz eussent estez respoussez comme je crois qu'ilz eussent estez, considéré les gens qu'il y avoit, et les retranchemens qu'ils avoient faicts. Après que les ennemis furent mis par barquettes de l'aultre costé de l'eaue à Venusdam et les ostages renduz, le tout sans désordre, dont rens grâces à ce bon Dieu, fiz ung tour en la ville, et y trouvay ung demy canon, avecq deus demyes couleuvrines, aultant belles

+ 1573. Novembre.

1 sommer.

2 A l'ouest de Reimerswael.

[p. 254]

⁺que on pourroit veoir, et Mons. de Neufville y demeurera avecq quelques soldatz pour mettre guet et garde à l'endroict que les schutes¹ ou barquettes pouvoient aborder, tenant pour tout asseuré qu'il y en viendroit. Je n'ey esté deceu de mon opinion, car à haulte marée y arriva une barquette avecq pouldres et mesches et ung soldatz qui avoit une lettre addressantes au Capitaine, dont envoye à vostre Excell^ce la copie. J'envoye l'originele à mon frère pour le faire tenir à ceulx de Middelburgh, à fin qu'ilz cognoissent avecques Mondragon le peu d'espoir qu'ilz doibvent avoir de secours, puisque Beauvois n'at sceu secourrir la ville de Romerswaele, qui estoit devant son nez, et ayant près de soy toutes ses principalles forces. Ceste rendition ferat aux ennemys changer de conseil et desseing qu'ilz avoyent devant leur partement arresté et conclu en Anvers. Car j'avoys esté adverty que l'artillerie et munitions de guerre avoyent estez embarquez en une pleyte², mais je ne pouvois imaginer où ilz la vouloient employer, et en avoit-on diverses opinions, le temps l'at monstré et découvert. A basse marrée feray ung tour en la ville, pour consulter avecq les Capitaines ce que en aura à faire la ditte ville; car lors sont les navires ennemies au secq. S'il se présente aultre chose, ne fauldray d'en avertir vostre Excell^ce, priant tousjours à icelle que elle me veuille tenir pour excusé en cas que n'escripve tant et sy particulièrement que désirerois, car les rompemens de teste que j'ay, tant des soldatz que matelotz, sont sy abondans et continuelz que ne scay de quel costel de me trouver, et cela procède principalement par faulte de vivres; à quoy sy les Estatz d'Hollande vouloient pourveoir,

+ 1573. Novembre.

1 barques, schuiten.

2 barque large et plate.

[p. 255]

⁺feroient beaucoup pour le service de vostre Excell^ce et advanchement de la cause commune. Atant, Monseigneur, le Dieu des armées maintienne à toujours la personne de vostre Excell. et les siens en Sa saincte sauvegarde et protection, confonde ses ennemys, et à moy doinct la gràce de faire à icelle très humble service. De la navire admirale devant Berghes, ce 28^e de novembre 1573.

De vostre Excellence très humble et très obéissant serviteur,

Louys de Boisot.

A Monseigneur, Monseigneur le Prince d'Orange.

+ 1573. Novembre.