44.
Ga naar margenoot+C. de Schonberg an Roi Charles IX: Friedeberg, 26 mars (MS. P. C. 400). - Voyage de l'Electeur de Saxe vers l'Empereur.
....J'ay receu des lettres de bien bon lieu [de noz] quartiers; par icelles on me mande du voiage de l'Electeur de Saxe ce qui s'en suit en ces propres termes, mais en Allemand. ‘Nous avons entreprins notre voiage de l'Austriche en si grande haste que nous n'avons pas eu loysir d'en advertir nos amys, qui en sont tout plain scandalisés; s'il n'a servi à aultre chose, pour le moin a il appresté à parler aux gens, qui en font des estranges discours, à ce que nous entendons. Et à la vérité ils en ont raison; mais je vous asseure que le fruit du voyage n'est pas tel et si grand comme on le crye partout, si ce n'est qu'en iceluy nous avons conceu une assurée opinion de voir bientost une bonne paix au Pays-Bas, et quy sera plus ferme et plus stable qu'on n'a accoustumé d'en voir ailleurs. Quiconque a donné ce conseil au Roy d'Espaigne, celuy est ung sincère amy du dict Roy et de toute sa Maison, car par ce moyen il a [ranconté] et rapproché de troix degrés au siège dont les cruaultés du Duc d'Albe l'avoient quasi du tout déjetté et débouté: vous estes trop degousté, vous n'en avez pas voulu, prenez garde que vous ne vous en repentiez, mais ce pourra bien estre trop tard: il ne tint qu'à nous n'aggrandions bien nostre pays de Meissen; mais, si on me croit, unusquisque erit suâ sorte contentus; tu vero nosti hominis ingenium.’ - Par ce que dessus V.M. jugera bien aisément ce que pourra avoir esté traicté à Vienne.... On me mande que le Marquis d'Anspach a faict porter parolle
Auteursrechtvrij