Archives ou correspondance inédite de la maison d'Orange-Nassau (première série). Tome IV 1572-1574

45.
Note du Roi de France et de sa Mère (sans date) relative à leurs intentions envers le Prince d'Orange (†MS. P. C. 400).

Le Roy et la Reyne ont donné charge au Seigneur de Schonberg de faire entendre aux Princes d'Allemaigne qu'il y a deux occasions qui ont principalement enguardé le Roy de ne se déclarer ouvertement pour le Prince d'Orange. La premiere est la division de ses subjects non pas encores si bien réunis qu'ils désirent, mettant les Catholiques en avant et remonstrant à S.M.¹ que le moyen que le Roy donnoit à ceulx de la religion de travailler et ruiner, s'ils pouvoient, le Roy d'Espaigne, c'estoit le remettre à la guerre cy-après, quand ils se verroient la main forte. - La seconde est que le Prince d'Orange n'a, ni devant, ni durant son entreprinse adverty le Roy mesme de son intention et de ce qu'il avoit volonté ou moyen de faire. Et, combien que le Conte Ludovicq auroit assseuré le Roy qu'il n'entreprendroit rien de ceste année aux Pays-Bas, néanmoins, ayant prins Vlissingen sans le sceu du Roy, le Roy luy a mandé qu'il luy permetteroit de tirer secrettement, par ce costé de la

1 On lit en marge. fort instamment le peu de dévotion que ont ceulx de leur parti de servyr en ceste querelle et commenser une guerre sur ceste occasion, qui les tient en extresme crainte que cela n'apportast occasion de rentrer en trouble dans ce Royaulme....

[p. 51*]

⁺mer, quelque nombre d'arquebousiers de son royaulme, joinct qu'on luy assisteroit de quelques deniers; mais le Roy n'a eu aulcune nouvelle ni responce de luy s'adressant à S.M. - De sorte qu'il n'y a qu'une seule raison qui maintienne le Roy en bonne volonté de favoriser les affaires du Prince d'Orange (ce qu'il a temporisé de vouloir faire ouvertement pour les raisons susdictes), assavoir le bruict qui court que les Princes d'Allemaigne embrassent à bon escient le faict du Prince d'Orange, et qu'ils l'aydent et secourent en tout ce qui leur est possible. - Pour faire cognoistre donques aux Princes d'Allemaigne que leur volonté est la sienne et leur résolution est la sienne, et qu'il est prest en tout et partout courir une mesme fortune avecques eux, S.M. a donné charge au dict Schonberg d'asseurer les Princes de la part de S.M. qu'il est résolu de se gouverner à l'endroict du Prince d'Orange et les Pays-Bas ainsi que eulx se gouverneront....

+ 1573. Mars.