59.
Ga naar margenoot+St. Goard au Roi Charles IX: Madrid, 20 mai. - Desseins du Duc Jean-Casimir sur Besançon.
....(Les Espagnols) ont ung advertissemeut de Besançon du troisièsme d'apvril que ceulx de Genesve ont tant brassé que le Conte Pallatin a esté reçeu bourgeois de Berne, lequel prétend confédérer avecques tous les cantons Luthériens, affin que le Cazemir, soubz leurs ailles, avecques le crédit de ceulx de Genesve, ayt meilleur moyen de faire gens comme il faict, et les tirer d'Allemaigne pour troubler de nouveau la France. Mais, pour ce que les trois principaulx Luthériens qui sont dans Bezançon, qui ce nomment Chafrey, Recy, et Malarme, ont quelque intelligence avecques le Conte Pallatin, et sont assistez des Princes d'Allemaigne Luthériens, ils doubtent bien icy que, soubz cette faincte, ledit Cazemir ne veueille avoir passaige par le Conté de Bourgongne pour s'impatronizer par ceste voyéeGa naar voetnoot1 la cité de Bezançon, disant que les banozGa naar voetnoot2 d'icelle en font quelque motif, qui seroit la totalle ruyne du dit Conté. Il m'a semblé très à propos qne je feisse cest advertissement à V.M., comme sçaichant que icy ils ne l'ont mis à mespris, et que pour ceste occazion ils ont aussytost dépesché ung courrier vers l'Empereur, duquel l'on espère tous les jours l'Ambassadeur, estant party depuis quelques jours celluy qui y estoit de longtemps. Pour les affaires de Levant ils ne sçavent encores à quoy se résouldre, se plaignant extrêmement que les Véniciens les ayent ainsy trompez....
Auteursrechtvrij