Archives ou correspondance inédite de la maison d'Orange-Nassau (première série). Tome IV 1572-1574

[p. 79*]

60.
⁺G. de Schonberg à la Reine-Mère: Eckersberge¹, 26 mai (MS. P. C. 400). - Le Comte Louis de Nassau se défie de la Reine d'Angleterre et désire que le Roi de France prenne enfin une résolution. L'Empereur travaille à la pacification des Pays-Bas.

Madame, le Conte Ludovicq m'a donné advis par le D^r Arnold Rosenberg⁽¹⁾, et ce pour le mander à V.M. (à la chairge toutesfois qu'il ne fust nommé à aultre personne qu'à V.M., les suppliant très humblement de ne dire point le tenir de luy) que le Roy d'Espaigne à faict entendre et asseurer, pour aussy vray que l'Evangille, à la Reyne d'Angleterre, que le Roy briguoit des estranges menées en Escosse à l'encontre d'elle et de son Estat: adjoustant le Roy d'Espaigne qu'il avoit esté sollicité de se mettre de la partie. Le Conte doubte fort que, sous l'ombre de la négociation du coommerce (dont-il n'est guaires content, encores qu'elle l'aye tant asseurée que ce n'est pour en rien préjudicier aux adhérans du Prince d'Orange) on n'aye traicté et traicte encores quelque chose de plus d'importance. Il se plaint au surplus grandement de quoy il n'a aulcune nouvelle de ce que V.M. sçayt, et a commandé au Docteur de me dire librement, en ces propres termes, que les affaires du Pays-Bas sont en tel estat que pour la longueur du Roy en sa négociation on sera con-

+ 1573. Mai.

1 Petite ville de Thuringe, au N. de Weimar.

(1) A. Rosenberg: ‘Docteur ès droits; c'est celuy qui harangua si bravement en la dernière diette de Spire pour les Seigneurs et Estas du Pays-Bas contre le Gouvernment Espagnol’ (Schonberg au Roi; 26 mai: MS. P. C. 400).

[p. 80*]

⁺traint de prendre parti. Là-dessus je luy ay faict entendre ce que V.M. m'ont mandé touchant le retour de Frégouse, lequel seroit en brief asseurément auprès de luy. Le Docteur m'a dict aussy que le Conte Ludovicq faisoit des secrètes et grandes retenues de reistres et gens de guerre en Westphalie et ès environs, sous espérance qu'il tombera d'accord avecques le Roy de ce que vous sçavez.... D'une chose peulx-je au surplus asseurer certainment V.M., que l'Empereur ne travaillast jamais tant à chose qui faict à la pacification des Pays-Bas, car on luy faict acroire que son second fils sera mis Gouverneur du Pais-Bas, auquel on ordonnera le grand Commendador et Gouverneur de Milan pour Chef du Conseil et Superintendant de toutes les affaires, adjoustant que ci-après on luy baillera le dict Pays-Bas en dot avecques la fille du Roy Catholique. Ung Electeur qui le peult sçavoir, l'a dict à ung de vos Collonels en très grande confiance, qui me faict y adjouster davantaige de foy....

+ 1573. Mai.