† No DCCCLVIIa
Ga naar margenoot+Articles proposés par le Comte Jean de Nassau touchant son Gouvernement.
Premièrement, il y a bon nombre des gens de guerre à la charge des pouvres subjectz, sans estre employez quelque part, à raison de quoy il convient adviser s'onGa naar voetnoot1 les doibt casser, ou repartir par les villes de Gueldres, ou les envoyer et employer ailleurs.
Secundo, à cause qn'il y a différent entre le peuple et magistratz, il convient adviser et résouldre, s'on ne doibt renouveller susdits magistratz, et en quelle manière, pour éviter toutes ultérieures dissentions et inconvéniens.
Tertio, comme les Estatz de Gueldres ont déporté ceulx du Conseil provincial et de la chambre des comptes, et commis d'aultres au dit Conseil provincial, dont il y a des plaintes, convient sçavoir quel ordre on debvra tenir pour conserver à ung chacun son droict.
Quarto, il y a certain différent entre ceulx de Gueldres et Hollandois, à cause de la collectation des moyens généraulx.
Quinto, ceulx de Gueldres, d'Hollande, Zélande, de Frise, d'Overyssel, d'Utrecht, et aultres, ont tenuz aulcunes communications pour plus particulièrement conserver l'union générale, et est apparent qu'ilz se rassam bleront de rechief au mesme effect. Le dit Sr Conte a bien voulu advertirGa naar voetnoot(1) le tout à son Altèze, pour entendre son bon plaisir à la meilleure direction de la dite affaire,
Auteursrechtvrij