Archives ou correspondance inédite de la maison d'Orange-Nassau (première série). Tome VI 1577-1579

* Lettre DCCCLX.
L'Archiduc Matthias au Comte Jean de Nassau. Même sujet.

*_** Cette Lettre, quoique contresignée par J.v. Asseliers, semble une communication officieuse touchant le sens et les motifs de la Lettre officielle du même jour.

[p. 510]

⁺Mon bon Cousin. Comme aulcunes villes et quartiers du pays de vostre Gouvernement de Gueldres se sont renduz plainctifz vers nous de ce que aulcuns s'avancheroient, de leur aucthorité, et sans consentement ou accord des membres des villes ou places, vouloir establir les exercices de la religion qu'ilz disent réformée, nommément entre aultres en la ville de Zutphen⁽¹⁾, oultre ce que les soldats estans en garnison ès villes et places de vostre Gouvernement, nommément au quartier de Ruremond, s'avanceroint non seullement se comporter insolentement, faisans des foulles, oultraiges et exactions aux pouvres subjectz, mais aussi se mesler du faict de la religion, taschant introduire par toutes manieres la dite religion, assistans à celle fin les affections à icelle et oppressant les ecclésiasticques et aultres tenans la religion catholicque-Romaine, chose pas convenable à eulx ny à leur profession, vous avons bien voulu par ceste advertir que l'intention nostre, ny de Mess^rs les Estats-Généraulx, at oncques esté, ny est encoires, que la dite religion soit en aulcunes villes introduicte, si ne fust que les membres d'icelles, ou tel nombre des inhabitans qu'est comprins en la religionsvrede, aux provinces envoyée, le requirassent, et ce fust faict par nostre authorité⁽²⁾ et la vostre; pour tant tiendrez la bonne main affin, tant à Zutphen que en toutes aultres villes et places de vostre dit Gouvernement, querien soit touchant la dite religion innovée ou attentée, si n'est

+ 1578. Décembre.

(1) Zutphen. Dans la requête publiée par Bor, il n'est pas fait mention de la ville de Zutphen, mais de ‘Doesburg in den Zutphensen quartier.’

(2) nostre authorité. L'Archiduc appuye là-dessus (de même p. 511, l. 2), non sans motif (voyez p. 496).

[p. 511]

⁺par consentement des membres des villes ou lieux susdits, par vostre advis et nostre authorité, ensuyvant et sur le piedt de la dicte religions-vrede, et que aussy soit donné ordre entre les dits soldatz à ce qu'ilz ne se meslent des aultres choses que de la garde des places à eulx commises, sans s'empescher¹ du faict de la religion en aulcune manière, et que soit prins à eulx et chastoy faict en cas de contravention, comme des perturbateurs du repos publicq. Au reste, pour obvier aux désbordemens et foules des dits soldats, trouvons convenir que faictes renouveller le placcat, sur ce puis naguerres à vous envoyé, et le bien estroictement garder et exécuter, afin toutes occasions des plainctes des pouvres subjectz puissent cesser.... D'Anvers, le 18^me de décembre 1578.

Vostre bon Cousin,

Matthias.

J. van Asseliers.

Mon bon Cousin le Conte Jéhan de Nassau..., Gouverneur du Pays de Gueldres.

+ 1578. Décembre.

1 se mêler.